Matyu 28:7 - Udél Dwata: Gna Kesfasad ne Lomi Kesfasad

⁷ Géhél ye mulék ne, ne tulón ye yó kem gel lemolò du, mon ye mò kul, ‘Deng hlowil Dwata Jisas. Deng gna bélê ye ne ebè Galili, ditu he gónó ye ston du.’ Hol bê ye na a klifót yóm deng tulónu kuy ni.”

Matyu 28:7 Referans Kwoze

Matyu 26:32

Okóm,” mon Jisas, “sok deng bud hlowil Dwata ou, angate fen gna bélê ye etu bè Galili.”

Matyu 28:10

Mon Jisas mò kul, “Bê ye abay hlikò. Na ye e tulón dou tu kem dumuhu setwoli anì mógów le ebè Galili. Ditu he gónó le mton do.”

Kun Snulat Jan 16:4

Eles tulónu kuy ni kem ni anì yó, là hentaw ye du ke sok sut yóm kdaw kmò le du bélê ye.” Bud mon Jisas, “Là kô deng tehe tulónu du kuy ni kem ni, abay se tolohe nô bélê ye.

1 Kurin 15:4

Deng tehe tulónu kuy snéen yóm kebeng le du, ne bè yóm getluhen kdaw bud hlowil Dwata. Bud ni se yóm tehe hsulaten ekni.

Kun Snulat Jan 14:29

Eles tulónu kuy nim ni gu laanen là deng sut, anì là megewu nawa ye du sok sut.

Kun Snulat Luk 24:34

Yó sentulón le, mon le, “Deng tahu mowil yóm gónó tekuy mogot. Deng hegfan ke Simun.”

Mark 16:13

Tikóng deng dilô le, tódô le kendel bud mulék ebè Jirusalim na le e tulón tu kem dumu le yóm deng kton le du, okóm bud là hentahu le kul snéen.

Mark 16:10

Bè yóm kton Midi yóm deng bud klowilen, tódô lemwót bè yó nan e tulón tu kem tau tehe gel lemolò du. Tolo lel le mkik yóm ksuten lem blóng le, abay se sidek klangag le ke Jisas.

Mark 14:28

Okóm,” mon Jisas, “sok deng bud hlowil Dwata ou, angate gna bélê ye etu bè Galili.”

Matyu 24:25

Eles tulónu kuy nim ni,” mon Jisas, “anì hol ye getgama.

Isaya 45:21

Géhél ye stifun anì snabà ye yóm kkukumu kuy. Eles ye stulón són yu. Tau du de deng gna eles tmulón du yóm kegbà Babilun yó? Kaem ou se yóm eles tmulón du, yóm Dwata gbeken lemwà yó kem tauhen. Laen kô dù dumu dwata bè klamangen, tek sotuhu.

Isaya 44:8

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

1 Kurin 15:6

Ne kogolen bè yó, botong mukas limu latu tau hemtahu béléen segeng gónón hegfan bè yóm sotu kdaw. Tu kem tau tu, tey dê he tolo mowil bélê le ni kmoen ni, okóm wen se bélê le deng matay.

Matyu 28:8

Tahu se, kendel le lemwót yó kem libun. Ya tey kligal le, mung du yóm klikò le. Tódô le mlóy na le e tô tulón yó kem gel lemolò ke Jisas.