Matyu 28:5 - Udél Dwata: Gna Kesfasad ne Lomi Kesfasad

⁵ Ne mudél yóm hógów Dwata ebè yó kem libun, monen, “Bê ye abay hlikò. Tngónu hnebel ye Jisas, yóm lomi tnutuk le bè kros.

Matyu 28:5 Referans Kwoze

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Kun Snulat Luk 24:5

Ya tey sidek klikò le ni kem libun ni, tódô le gotu kudung. Yó mon yó kem lewu tau yó mò yó kem libun, “Moen de ke hnebel ye bè nim gónóhen gel nô tau matay yóm tau mowil?

Kun Snulat Luk 1:30

Ne bud mudél ebéléen yóm hógów Dwata, monen, “Béi mom tô hlikò, Midi, abay se tey kehyu nawahen ebéléem Dwata.

Mark 16:6

Monen mò kul, “Bê ye mom tennga ou. Tngónu hnebel ye yóm Jisas lemwót bè Nasarit, yóm lomi tnutuk le bè kros. Là buden nô bè ni ne, deng hlowil Dwata. Ngem ni hnénég ye yóm tehe gónón masà.

Matyu 28:10

Mon Jisas mò kul, “Bê ye abay hlikò. Na ye e tulón dou tu kem dumuhu setwoli anì mógów le ebè Galili. Ditu he gónó le mton do.”

Matyu 14:27

Omin Jisas kendel mudél ebélê le, monen, “Hgel ye nawa ye dé. Ou ni. Bê ye abay hlikò.”

Danyél 10:19

Yó bud monen mò do, “Béi abay hlikò, Danyél, yakà tey kbong nawahen kóm Dwata. Dwata he henek nawahem, hekgisi ne hgelem nawam.” Tahu se, yóm igoen mudél ebéléu yó, bud mulék kgisu ne monu mò du, “Yó ne Sér, henlósem yóm tulónem do, yakà deng hekgisem o.”

Danyél 10:12

Ominen bud mon du mò dou, “Béi abay hlikò, Danyél. Tódô lenwóten bè yóm hol tanay kdaw keheglaanem knóem bè Dwata anì hulungi temnef, deng sana gungolen bè longit ne yóm hnihem. Ni nógówu edini naw e tulón kóm balaen yó kem hnihem yó.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Matyu 28:4

Ya tey sidek klikò le yó kem sendalù mentey bè yó, tódô setbol kkel le, ne tódô le gotu masà bè tonok, lómón ke deng le gotu matay.

Kul Nmò 2:24

Okóm deng hlowil Dwata, deng hewaen gu lem hatay, abay se là kô gbek hatay tô semgfét du.