Matyu 28:2 - Udél Dwata: Gna Kesfasad ne Lomi Kesfasad

² Timbow le kól ditu, tódô mbel tey linol bong. Ne wen hógów Dwata htuntun gu bè longit sut bè yó, tódô hluyen yóm botu seng bè bak lebeng, ne tódô bud myón tahen.

Matyu 28:2 Referans Kwoze

Kul Nmò 16:26

Yóm igò le semngal, tódô mbel yóm tey linol bong. Tódô msinsig yóm blanggù gónó le nô, tódô gotu lemungkà yó kem tikeben ne tódô gotu bkas snéen yó kem kdina fét le yó kem tau bnanggù.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Kun Snulat Jan 20:1

Timbow hanà minal mwas bè Akad, lemwót yóm sotu Midi lemwót bè Megdala na a mógów ebè lebeng Jisas. Bè yóm kkólen ditu, tódô tonen yóm bak lebeng deng mom sana hnas, là buden nô du yóm botu tehe seng le du.

Deng Hegfan 11:19

Yóm igò le dmóyón ke Dwata, tódô wen lemungkà du yóm Gónô Dwata bè longit, ne gfan bè yó yóm slungan gónóhen nô yó kem tehe fasad Dwata deng tehe snulat le. Ominen mkal yóm tey silà, ne sen-gengen se lemungkul, lel yóm tey leték, ne tey linol bong te tonok, lel yóm tey bulók kulón.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Matyu 27:60

Uma kóm deng wen kilib lomi hokol Jusif bè but léhék mò tô kun angat gónô lebeng, ne tódô bè yó gónón lembeng ke Jisas. Ne wen botu bong hluyen ebè yóm bak lebeng mò sengen, ne ominen yó lemwót mulék.

Matyu 27:66

Tahu se, lemwót le. Ya tey bud kehget le du yóm seng bè bak lebeng Jisas. Wen deket nmò le bè baken anì dilô le ke wen tau tô mkó du. Ne wen kem sendalù tebel le mò mentey bè yó.

Kul Nmò 5:19

Okóm bè yóm kifu yó, wen hógów Dwata gu bè longit sut bélê le bè yó lem blanggù, ne tódô lenungkaen bélê le yóm tikeb blanggù, ne niten lu hewà. Mon yóm hógów Dwata mò kul,