Matyu 28:19 - Udél Dwata: Gna Kesfasad ne Lomi Kesfasad

¹⁹ Yó gónóm mon, mógów ye do ebè kdéen but tau bè klamangen benwu anì baling le tau lemolò do. Bnabtays ye lu hlan ye bè boluy Dwata, yóm Mà tekuy, ne bè boluy yóm Ngaen ne bè boluy yóm Tulusen.

Matyu 28:19 Referans Kwoze

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Glasya 3:27

Deng ye hbabtays mò ilô yóm kessotu ye bè Krays, deng glolò ye ne yóm kun kmò Krays.

Sulat Pol Ebè Yó Kem Tau Hemtahu Bè Rom 10:18

Bede wen snólóku. Là deng gungol kem tau Israél du kô nim tulón ni? Deng gungol le ne. Lómón yóm monen bè Sulat Dwata, monen, “Deng kem tehe gungol kdéen tau te tonok ne. Deng tódô gefet bè klamangen benwu yóm ktulón le du.”

Ifisus 2:18

Lemwót bè yóm deng nmò Krays gónón wen lan tekuy hloni ebè Dwata yóm kdê tekuy, kem tau Ju ne kem tau là Ju le. Yóm kehloni tekuy ebéléen yó, hlanen bè yóm Tulus Dwata deng suen bélê tekuy.

Kul Nmò 28:28

Ne bud mon Pol, “Duhen yó, hyu ke eles tngón ye deng hetngón Dwata bè yó kem tau là Ju le yóm lan le gewà gu lem hatay. Mom lu hmungol du.”

Kul Nmò 2:41

Tey dê bélê le hemtahu bè yóm ktolok Pitér yó, ne hbabtays le. Bè yóm kdaw yó, wen dô tlu libu kwen le yóm bud temnù bè yó kem tau hemtahu bè Jisas.

1 Pitér 3:21

Yóm kegewà le yó ekni, hningónen yóm kegewà tekuy gu lem hatay bè yóm kehbabtays tekuy. Bè yóm kehbabtays ye, là kô mò lan mkó using bè lówó du, okóm yó lanen mò ilô yóm deng eles kehkodu ye bè Dwata anì kóhen yó kem salà ye, ne anì laen dù blóng ye ebéléen. Ne yó gónó ye gewà gu lem salà ye mlan bè yóm tehe klowil Dwata ke Jisas Krays gu lem hatay.

Tekang Kbuten 1:26

Ne yó bud mon Dwata, “Mò tekuy tau dé, mkél bélê tekuy mò mogot yó kem kentihen mowil lem él, ne kentihen móyóng te kmawang ne kentihen kay ógóf, kem ógóf mò tnomò ne kem ógóf nô lem bnes, kewóten bè yó kem lebangen kkólen bè yó kem leneken.”

1 Kurin 15:29

Ne ke henkéng le yóm bud kehlowil Dwata yó kem tau deng matay, moen de ke gel wen bélê ye bud hbabtays mò leyu lówó yó kem tau tehe matay? Tedu se nefeten yóm nmò le yó ke là bud hlowil Dwata kul yó kem tau deng matay?

Kul Nmò 14:21

Yóm kkól le Pol ne Barnabas bè Dérbi, tódô bud tulón le se yóm Tulón Hyu nwit le. Ne tey dê se kem tau bè yó baling tau lemolò ke Jisas. Omin le yó bud mulék ebè Listra ne bè Ikunyum ne bè yóm Antyok snakuf Pisidya.

Kulasi 1:23

Song tahu eta ye nim ni ke là monol nawa ye bè yóm kehtahu ye. Yó gónóm mon, hbegel ye yóm kehtahu ye anì là sliwo kehedem ye du yóm hendón nefet nawa ye lemwót bè yóm Tulón Hyu deng gungol ye. Nim Tulón Hyu monu ni, deng gefet bè kdéen tau bè klamangen benwu ne, ne ou Pol sotu tóbóng lówó Dwata mò fen heglalag du.

2 Kurin 13:14

Yó hem gónó tekuy mogot Jisas Krays hol tendo tmóbóng kuy, ne tendo gfan bélê ye he yóm kbong nawa Dwata kuy, ne yóm knóen bélê ye yóm Tulus Dwata.

Isaya 52:10

Angat hlan Dwata bè kfasangen yóm kehewaen yó kem tauhen. Angat kdéen benwu bè klamangen, gotu mton du.

Kul Nmò 9:18

Tódô sen-gengen se wen mosok gu lem mata Sol lómón tô unaf utón él, ne tódô henmungen se bud mton. Kdà Sol bè yó na a kendel hbabtays ke Ananiyas.

Matyu 13:52

Bud mon Jisas, “Yóm tau gel tmolok hlau gnan, ke deng gfi bè kogot Dwata tau, hol lómón ke du yóm tau wen kimu labihen, ne wen kimu lomihen deng denfélen bè gónóen mò gónóhen gel ma yóm wen muhen du.”

1 Jan 5:7

Wen tlu gónó tekuy dmilô du ke du yóm hol Ngà Dwata:

Matyu 25:32

Angat tódô kdéen tau bè klamangen benwu gotu stifun ebè soluhen, ne sentólóngen lu. Lómó kmò kestólóngen kul, lómón yóm tau semgyok ógóf, gel sentólóngen yó kem ubiha bè yó kem kambing.

Kul Nmò 1:2

efet kól bè yóm kdaw khawayen ebè longit. Okóm yóm gu laanen là deng haway ebè longit, wen hloloen yó kem tau tehe néléken mò mit yóm kun tulón. Yóm hloloen kul yó hlanen bè yóm Tulus Dwata mò fen hetngón du kul.