Matyu 28:18 - Udél Dwata: Gna Kesfasad ne Lomi Kesfasad

¹⁸ Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Matyu 28:18 Referans Kwoze

Kun Snulat Jan 3:35

Tey kbong nawa Dwata du yóm kun Ngà, deng gotu hogoten du yóm kentihen.

1 Pitér 3:22

Ne ni kmoen ni deng nô bè longit ne Jisas, myón fi bè kwanan Dwata mò ilô yóm kehkamal Dwata du du yóm kdéen hógów Dwata gu bè longit, ne kdê yó kem dumu mtulus wen kwalis le ne wen kfasang le bè yó bè longit.

Matyu 11:27

Omin Jisas bud mudél ebè yó kem gel lemolò du, monen, “Deng gotu hkem Mà do yóm kdéen. Laen kô tau temngón du yóm Ngà Dwata, tek són yóm Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.

Hibru 2:8

ne tódô gotu hkemem kul kdéen.” Bè yóm kehkem Dwata du yó kem tau yóm kdéen, laen kô dù bud tebel du. Bede là tagad ton tekuy du he yóm kehkemen du kul ni kmoen ni.

1 Kurin 15:27

Deng tulónen bè Sulat Dwata se yóm khogot Dwata du ke Krays yóm kentihen. Okóm tódô tngón tekuy se là gomongen lemen Dwata bè yóm kentihen monen yó, abay se ke Dwata kun, du se yóm tehe hogot du ke Krays yóm kentihen.

Kun Snulat Jan 17:2

Deng hkamalem yóm Ngaem yóm kdéen tau talak tonok anì wen klowil laen dù sónen blayen bè yóm kdéen tau deng blayem du.

Kun Snulat Jan 13:3

Okóm ke Jisas kun, deng eles tngónen yóm kfasang deng blay Maen du mò mogot du yóm kdéen. Tngónen snéen yóm kewóten gu bè Dwata ne yóm bud kuléken etu béléen.

Hibru 1:2

Okóm tólóng ni kmoen ni. Yóm kudél Dwata ebélê tekuy, deng hlanen bè yóm Ngaen. Yóm Ngaen yó, du se yóm deng fen hedlimunen yóm kentihen, ne deng néléken mò angat mfun du snéen.

Kulasi 2:10

Ne bélê ye se kuy, lemwót bè yóm deng kessotu ye bè Krays gónó ye gbót ne bè yóm klowilen yó. Du se hol geta senta yó kem kdéen mtulus deng wen nogot le te tonok ne wen kwalis le.

Kun Snulat Luk 10:22

Bud mon Jisas mò kul, “Deng gotu tódô hkem Mà dou kdéen. Là kô wen tau temngón du yóm Ngà Dwata, tek són Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.”

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Sulat Pol Ebè Yó Kem Tau Hemtahu Bè Rom 14:9

Yó se gónón tehe matay Krays ekni, ne bud mowil, anì du gónó tekuy mogot, kihu ke tolo tekuy mowil duhen ke deng tekuy matay.

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Matyu 26:64

Bnalà Jisas se, monen, “Yó sii deng monem. Okóm wen tulónu kuy, angat ton ye yóm Ngà Tau myón fi bè kwanan Dwata, yóm laen dù là gbeken du, ne angat ton ye se yóm kesfuléken edini mung bè lobun.”

Kem Lingón 89:27

Ne yó angat nmou bè Dabid, angat blayu du yóm kun kwalis yóm ngà logi twogu. Nmou hol geta bè yóm kdéen tau hol geta talak tonok.

Kul Nmò 2:36

Bud mon Pitér, “Kdê ye kem tau Israél, hol hendem ye dé yóm Jisas deng tnutuk ye bè kros, deng duhen du se yóm deng nélék Dwata mò gónó tekuy mogot. Du se yóm Misaya.”

Kul Nmò 10:36

Deng tngón ye yóm tulón hwit Dwata ebè yó kem tau Israél, duhen yóm Tulón Hyu mò lan tau mit sefyu ebéléen hlanen bè Jisas Krays, yóm hol gónó le mogot yóm kdéen tau.

Kem Lingón 89:19

Ó Dwata, wen tehe hegfanem ekni bè yó kem tau tóbóng lówóhem alì teneb. Yó tehe monem mò kul, “Deng tnóbóngu yóm sotu sendalù alì tótól bè kwiten sfatay. Deng néléku lem blóng yó kem dumuhen mò henbalingu tau hol geta mogot benwu,

Matyu 16:28

Tódô tulónu kuy ktahuhen, angat wen he bélê ye bè ni gmafit mton du yóm bud kesfuléken edini yóm Ngà Tau mò kmamal yóm klamangen.”

Kem Udél Hlalak Tehe Selumun 8:15

Lemwót béléu yóm khulung le mogot benwu yó kem tau hol geta. Lemwót béléu se yóm khulung le mò yó kem udin tedeng yó kem smugung bélê le.

Kun Snulat Jan 3:31

Bud mon Jan, “Hol lemwót bè longit se ke Jisas, du se hol geta bè kdéen. Yóm tau te tonok, són olo tngónen yóm nô te tonok, ne són yó se yóm tendo gel tulónen. Okóm yóm lemwót gu bè longit, du se yóm hol geta bè kdéen.