Matyu 28:12 - Udél Dwata: Gna Kesfasad ne Lomi Kesfasad

¹² Omin le gotu bud stifun se kul yó kem geta bè yó kem gel demsù ebè Dwata ne yó kem tuha gónó le gel galak, sensatul le yóm mò kmò le du. Yó nmò le, wen tey filak blay le bè yó kem sendalù,

Matyu 28:12 Referans Kwoze

Kul Nmò 5:40

Tahu se, nimón yó kem dumu tau hol geta mogot kukum yóm udél Gamaliyél yó. Omin le bud htaba kul elemen yó kem hógów Jisas na le na habid hfes lu. Tey kget kmon le du mò kul hol bê le abay bud sentbong bè kem tau yóm boluy Jisas. Omin le yó hefewà kul.

Kun Snulat Jan 11:47

Lemwót yó kem Farisi ne yó kem geta gel demsù ebè Dwata, gotu tinok le yó kem tau hol geta mogot kukum anì gotu le stifun. Bè yóm deng kestifun le, mon le, “Tedu atul kuy ni du? Blaem tey dê hentaw ton nmoen tum tau tu.

Matyu 12:14

Okóm yó kem Farisi, tódô le gotu lemwót, ne sensatul le yóm kmò khatay le ke Jisas.

Matyu 28:11

Tikóng le deng lemwót yó kem libun yó koni, wen bè yó kem sendalù tehe mentey bè lebeng Jisas mulék ebè Jirusalim, mógów le ebè yó kem geta bè yó kem gel demsù ebè Dwata, tódô gotu tulón le kul yóm kdéen.

Matyu 28:13

ne mon le mò kul, “Yó hol tulón ye bè yó kem tau, deng hennagaw yó kem tehe gel lemolò du yóm lówó Jisas igò ye tolo lemnga tungô.