Matyu 28:1 - Udél Dwata: Gna Kesfasad ne Lomi Kesfasad

¹ Timbow kogol yóm Kdaw Kehegnô, yóm hanà tolo minal mwas bè Akad, lemwót Midi, yóm Midi lemwót bè Megdala, ne yóm sotu Midi, tódô le temkifu na le e nauy lebeng Jisas.

Matyu 28:1 Referans Kwoze

Matyu 27:56

Mung kul se yóm Midi lemwót gu bè Megdala, ne yóm sotu Midi, Yê Jim ne Jusif, ne mung kul snéen yehen Sibidi.

Kun Snulat Luk 23:56

Omin le yó mulék, hentifes le yóm alì minggel boohen angat sù le bè lówóhen, duhen yó kem dê kay doun ne hboo. Okóm laen dù nmò le bè yóm Kdaw Kehegnô, ulit le bè yóm kul hlau.

Matyu 27:61

Mung le lembeng se kul le Midi lemwót bè Megdala ne yóm sotu Midi. Myón le bè yó, smolu le ebè yóm bak lebeng.

Kun Snulat Luk 24:22

Lel yó hem hentnga tulón le kum yó kem libun bélê me. Hanà tolo minal mwas, mógów le ebè yóm kilib gónó le lembeng ke Jisas.

Kun Snulat Luk 24:1

Hanà tolo minal mwas bè Akad, lemwót yó kem libun ebè yóm kilib gónón lebeng Jisas. Gotu nit le yó kem alì minggel boohen deng tehe eles hentifes le.

Danyél 6:19

Hayahen bè yó hanà tolo minal mwas tódô btik yóm tau hol geta, kendel mógów ebè yóm sol gónó le nô yó kem liyun.