Matyu 27:66 - Udél Dwata: Gna Kesfasad ne Lomi Kesfasad

⁶⁶ Tahu se, lemwót le. Ya tey bud kehget le du yóm seng bè bak lebeng Jisas. Wen deket nmò le bè baken anì dilô le ke wen tau tô mkó du. Ne wen kem sendalù tebel le mò mentey bè yó.

Matyu 27:66 Referans Kwoze

Danyél 6:17

Hyu wen botu seng le bè bak yóm sol liyun yó. Dket yóm tau hol geta tahen yóm kun ilô ne ilô yó kem genlalen anì laen dù tau hewà ke Danyél.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

Matyu 28:2

Timbow le kól ditu, tódô mbel tey linol bong. Ne wen hógów Dwata htuntun gu bè longit sut bè yó, tódô hluyen yóm botu seng bè bak lebeng, ne tódô bud myón tahen.

Matyu 27:60

Uma kóm deng wen kilib lomi hokol Jusif bè but léhék mò tô kun angat gónô lebeng, ne tódô bè yó gónón lembeng ke Jisas. Ne wen botu bong hluyen ebè yóm bak lebeng mò sengen, ne ominen yó lemwót mulék.

Matyu 28:11

Tikóng le deng lemwót yó kem libun yó koni, wen bè yó kem sendalù tehe mentey bè lebeng Jisas mulék ebè Jirusalim, mógów le ebè yó kem geta bè yó kem gel demsù ebè Dwata, tódô gotu tulón le kul yóm kdéen.

Matyu 27:65

Mon Paylét se mò kul, “Yó ne, mit ye sendalù anì hol bnentey le tum lebengen.”

Kun Snulat Jan 20:1

Timbow hanà minal mwas bè Akad, lemwót yóm sotu Midi lemwót bè Megdala na a mógów ebè lebeng Jisas. Bè yóm kkólen ditu, tódô tonen yóm bak lebeng deng mom sana hnas, là buden nô du yóm botu tehe seng le du.

Deng Hegfan 20:3

ne tódô tudaen elem tum sol leyóng. Ominen yó bud tmikeb du ne kendaduhen, ne wen ilô nmoen tahen anì là gekà le du. Yó gónóhen bmanggù ke Seitan anì là bud gsukaten kul yó kem tau bè klamangen benwu efet kdeng yóm lemibu halay. Okóm kogol yóm lemibu halay yó, na le bud hliwà likót.