Matyu 27:60 - Udél Dwata: Gna Kesfasad ne Lomi Kesfasad

⁶⁰ Uma kóm deng wen kilib lomi hokol Jusif bè but léhék mò tô kun angat gónô lebeng, ne tódô bè yó gónón lembeng ke Jisas. Ne wen botu bong hluyen ebè yóm bak lebeng mò sengen, ne ominen yó lemwót mulék.

Matyu 27:60 Referans Kwoze

Isaya 53:9

Bè yóm kebeng le du, homong lebeng le bè yó kem tau mulé udin ne bè yó kem tau kwasa. Yó se kmò le du balù yóm klaen dù salaen ne balù yóm klaen dù kéngen.”

Matyu 28:2

Timbow le kól ditu, tódô mbel tey linol bong. Ne wen hógów Dwata htuntun gu bè longit sut bè yó, tódô hluyen yóm botu seng bè bak lebeng, ne tódô bud myón tahen.

Matyu 27:66

Tahu se, lemwót le. Ya tey bud kehget le du yóm seng bè bak lebeng Jisas. Wen deket nmò le bè baken anì dilô le ke wen tau tô mkó du. Ne wen kem sendalù tebel le mò mentey bè yó.

Kun Snulat Jan 20:1

Timbow hanà minal mwas bè Akad, lemwót yóm sotu Midi lemwót bè Megdala na a mógów ebè lebeng Jisas. Bè yóm kkólen ditu, tódô tonen yóm bak lebeng deng mom sana hnas, là buden nô du yóm botu tehe seng le du.

Kun Snulat Luk 24:2

Yóm deng kkól le ditu, tódô ton le yóm bak kilib deng mom hnas. Deng mluy gu bè baken yóm botu tehe seng le du.

Tekang Kbuten 50:5

bè yóm tehe móyón katay mà, hsafaen ou anì hol lebengu ditu bè yóm kilib deng eles hentifesen bè benwu Kanan. Snólók ye dou béléen ke hyu naw kewót anì naw e lebeng mà. Ke deng deng kebengu du, kendele bud semfulék.”

Matyu 27:59

Kewót Jusif bè yó, mógów ebè tum gónô Jisas nô, ne nwahen elaan yóm lówóhen, ne bnausen yóm nes bukay hanà lomi.

Kun Snulat Jan 11:38

Timbow le lemwót bè yó, mógów le ebè yóm gónó le lembeng ke Lasarus. Ya tey sidek kegbeng lem Jisas se kun. Deng wen kilib nokol le bè but léhék ne bè yó gónó le lembeng du, ne wen botu seng le du yóm baken.

Kun Snulat Jan 11:41

Tahu se, kó le yóm botu seng bè bak lebeng. Omin Jisas temngel eta bè longit, ne monen, “Koduhem, Mà, yóm gel khungolem do.

Kun Snulat Jan 19:41

Wen ngà hungul koyu moni bè yóm gónó le hmatay ke Jisas yó, ne wen kilib lomi nokol le bè but yóm léhék mò gónó le gel lembeng, bede laen deng tau lebeng le bè yó he.