Matyu 27:52 - Udél Dwata: Gna Kesfasad ne Lomi Kesfasad

⁵² Ne gotu setngag yó kem kilib gónó le lembeng, ne tey dê bè yó kem kun tau Dwata deng tehe matay, gotu bud hlowil Dwata lu.

Matyu 27:52 Referans Kwoze

Isaya 26:19

Yó kem dumu me deng matay, angat wen kdaw le bud mowil. Bud le mulék bè sana lówó le. Kdê yó kem tau tolo nô lem lebeng le, tódô le bud mowil ne gotu le hligal semngal. Lómón yóm amù gel sminang hlafus gotu hlowilen yó kem hulu, hol lómón yó se angat nmò Dwata, angat bud hlowilen yó kem tau tehe matay là sekna.

1 Tisalunika 4:14

Deng hentahu tekuy yóm deng katay Jisas, ne yóm deng bud klowilen. Yó gónó tekuy hemtahu du yóm angat klowil Dwata kul yó kem tau hemtahu bè Jisas deng tehe gna matay, ne gotu hmungen lu ke Jisas ke sok bud semfulék edini.

1 Kurin 15:20

Okóm bè yóm hol ktahuhen, deng tódô hlowil Dwata Krays. Bè yóm deng klowilen du yó, yó se mò ilô yóm kdohò yóm angat klowil Dwata kul yó kem tau deng matay.

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

Isaya 25:8

Ne nmoen sónen yóm hatay yóm Dwata hol dandónen geta. Tódô gotu nifuhen lewok bè mata yóm kdê le ne gotu kóhen bè yó kem tauhen bè klamangen benwu yóm gónó le gel myak. Yó se hol kun udél yóm Dwata hol gónó mogot.

1 Tisalunika 5:10

Yó se gónó Jisas fen matay anì gomong tekuy mowil béléen, senged se ke tolo te mowil bè yóm kkólen, duhen ke deng tekuy mlef.

1 Kurin 15:51

Ngem wen tulónu kuy yóm là deng tehe heglileb Dwata du he. Bè yóm angat kesfulék Krays edini, angat wen se bélê tekuy yóm là dengen matay he. Okóm ke sok gungol tekuy yóm uni féw gu bè longit, là kô sudofem du yóm sana kesfili Dwata du yóm lówó tekuy. Sok muni féw gu bè longit, kdê yó kem deng matay, angat gotu hlowil Dwata lu, ne là kô le na a bud matay ne. Kaem tódô gotu megetles ne lówó tekuy.

Husiya 13:14

Sawang tô nsoku lu gu lem lebeng? Book. Sawang tô lenwau lu gu lem hatay? Là. Ó hatay, gotu heglumfakem kul yóm kdê hlayamem. Ó lebeng, hol hnikoem lu. Laen dù bud koduhu kul ne yó kem tau yó.

1 Kurin 11:30

Yó se gónón lemwót yóm dê gemnóm des bélê ye, ne dê tmalaw là mgel, ne deng wen se bélê ye gehlós matay.

Kul Nmò 7:60

Tuden bukolen ne bud hgelen udélen, monen, “Ó Mà bè Longit, béem dog snolò bélê le ne yóm salà nmò le ni.” Kogol yóm kmonen du yó, ominen milot nawahen.

2 Bok Kem Tau Hol Geta 13:21

Sotu kdaw bè yó, yóm igò le lembeng yó kem tau Israél, ton le yóm sotu lumbuk gel hmékét bè lan yó. Uni le mton kul, tódô bot le yóm lówó yóm tau lebeng le elem yóm kilib gónó le tehe lembeng ke Ilaysa. Bè yóm kegdeken bè yó kem tiol Ilaysa yóm lówó tau matay bot le yó, tódô bud mowil ne mdà.

Kun Snulat Jan 11:11

Ne omin Jisas bud mon du mò kul, “Yóm wè tekuy Lasarus, deng lemwót tungô ne. Ni nógówu etu naw e hlowil.”