Matyu 27:48 - Udél Dwata: Gna Kesfasad ne Lomi Kesfasad

⁴⁸ Ne wen sotu bélê le bè yó kendel ma yóm lómón tô gófós, ne duen lem yóm ninum lóbô là mebtesen, ominen hemsù du bè tukô yóm ngà koyu mò gónón tô hsef du ke Jisas.

Matyu 27:48 Referans Kwoze

Kem Lingón 69:21

Deng mom yó nmò le béléu, bè yóm kbitilu, mom hken le dou yóm gónóhu milu. Bè yóm kleengu, mom hinum le dou tifas bali.

Kun Snulat Luk 23:36

Balù yó kem sendalù, sana kul kegbót hmowon ke Jisas. Hloni le ebéléen, ne tô hinum le du yóm kul ninum là mebtesen,

Matyu 27:34

Wen tô hinum le ke Jisas yóm ninum lóbô, wen bolen yóm sotu kay bulung héét. Bè yóm ktilów Jisas du, là dog henlós ninumen du.

Matyu 27:47

Wen kem tau mdà bè yó mungol du yóm udél Jisas yó, mon le, “Éhé, tnabahen Ilaydya.”

Matyu 27:49

Okóm mom mon kem dumu tau, “Tagad dé. Nénég tekuy ke sut Ilaydya mò lemwà du.”

Mark 15:36

Ne wen sotu bélê le bè yó kendel ma yóm lómón tô gófós, ne duen bè yóm ninum lóbô là mebtesen, ominen hemsù du bè tukô yóm ngà koyu mò gónón tô hsef du ke Jisas, ne dugolen ebéléen. Ne yó monen bè yó kem tau, “Tagad. Nénég ke sut Ilaydya mò mit du elaan.”