Matyu 27:42 - Udél Dwata: Gna Kesfasad ne Lomi Kesfasad

⁴² Yó mon le, “Deng gel hlowilen kem dumu tau, là kô dog gbeken hlowil kun knô. Du kô kun tau hol geta bè yó kem tau Israél? Hentahu tekuy ke gbeken bud kmó elaan.

Matyu 27:42 Referans Kwoze

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Matyu 27:37

Wen snulat dket le senta kuluhen yóm udél duón le du, yó monen, “Ni se Jisas, tau hol geta bè yó kem Ju.”

Kul Nmò 4:14

Tô senkbê le yóm tulón le, okóm laen dù gmò le, abay se eles mdà bè yó klohok Pitér ne Jan yóm tau tehe kihod.

Kun Snulat Jan 12:47

Ke wen tau hmungol du yóm toloku, ne là nimónen du, là kô ou du angat tmuled du. Abay se sundu yó du nógówu elem benwu ke naw e tmuled kem tau. Okóm yó dé nógówu anì naw e lenwà lu gu lem hatay.

Kun Snulat Jan 12:13

Gotu le ma doun twok mò nit le semlong ke Jisas. Gotu le mensag, mon le, “Hol dóyón tekuy dé Dwata. Dwata he hol tmóbóng du yóm tau deng hógówen ni. Dwata he hol muyag du yóm tau hol geta bélê tekuy kem tau Israél.”Ne wen ton Jisas yóm sotu kay kudà boluyen asnu, ne nyónen. Yó se deng gónón dohò yóm tehe mon Dwata bè Sulaten, yóm monen,

Kun Snulat Jan 9:24

Ne bud tnaba yó kem Farisi bè gewuhen dulék yóm tau tehe butô yó koni, mon le mò du, “Hol tulónem ktahuhen dé, abay se wen Dwata. Tngón me tau gemsalà tum tau hton kóm tu.”

Kun Snulat Luk 19:38

Mon le, “Hol dóyón tekuy nim tau hol geta deng hógów Dwata. Deng tekuy ssotu ebéléen. Hol dóyón tekuy yóm Dwata nô bè longit.”

Matyu 2:2

“Gónóhen seblà sut de yóm ngà mò angat geta bè yó kem Ju? Deng ton me gu ditu bélê me yóm blotik mò ilô yóm ksuten. Nim nógów me ni, na me e hnódó.”

Matyu 27:40

mon le, “Uu kun tô gembà du yóm Gónô Dwata, ne tek tlu kdawem bud hdà du. Yó ne, lenwaem knóem kun ke tahu uu se yóm Ngà Dwata. Kmóhi elaan dé.”

Matyu 27:41

Senged se kul kehlowon du yó kem geta bè yó kem gel demsù ebè Dwata, ne yó kem gel tmolok hlau, ne yó kem tuha gónó le galak.

Mark 15:31

Senged se kul kehlowon du yó kem geta bè yó kem gel demsù ebè Dwata dalang se yó kem gel tmolok hlau, stulón le, mon le, “Deng gel lenowilen dumu tau, là sem gbeken lemowil kun knô.

Mark 15:32

Nénég tekuy kun ke gbeken kmó elaan nim Misaya ni, yóm tau hol geta bè yó kem tau Israél. Hemtahu tekuy béléen ke ton tekuy yóm kekmóhen elaan.” Balù yó kem lewu tau gomong tnutuk le bè Jisas, gotu gbót semdekà du snéen.

Kun Snulat Luk 23:35

Tey dê tau mdà bè yó, yóm na a gbót temngel du. Yó nmò yó kem tuha gónó le galak yó kem Ju, senflowon le Jisas, mon le, “Deng gel lenowilen yó kem dumu tau, yake lenowilen yóm kun knô ke du se yóm Misaya, yóm deng nélék Dwata.”

Kun Snulat Luk 23:37

ne mon le mò du, “Ke tahu uu yóm hol geta bè yó kem Ju, lenwaem knóem kun.”