Matyu 27:41 - Udél Dwata: Gna Kesfasad ne Lomi Kesfasad

⁴¹ Senged se kul kehlowon du yó kem geta bè yó kem gel demsù ebè Dwata, ne yó kem gel tmolok hlau, ne yó kem tuha gónó le galak.

Matyu 27:41 Referans Kwoze

Kem Lingón 35:26

Yó kem tau semkuli dou bè yóm kwen gfau, yake hol le bud mulék myak. Yó kem tau hegeta le knô le sentahu, hol hulékem lu myak.

Kun Snulat Luk 23:35

Tey dê tau mdà bè yó, yóm na a gbót temngel du. Yó nmò yó kem tuha gónó le galak yó kem Ju, senflowon le Jisas, mon le, “Deng gel lenowilen yó kem dumu tau, yake lenowilen yóm kun knô ke du se yóm Misaya, yóm deng nélék Dwata.”

Kun Snulat Luk 22:52

Ne mon Jisas mò yó kem tau mundug du yó, yó kem geta bè yó kem gel demsù ebè Dwata ne yó kem gónó le galak yó kem mentey bè Gónô Dwata, ne yó kem tuha gónó le gel galak yó kem Ju, monen mò kul, “Tey, glok ye mit sudeng ne bogul nim na ye e kekfô dou ni. Ilóem tô heskél ye o bè yóm tau gel mò sidek.

Kun Snulat Luk 18:32

Yó kmò le du, angat lus le elem tdok yó kem tau là Ju le. Angat tey keseflowon le du, ne sendekà le, ne lel le semdulak du.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Matyu 27:40

mon le, “Uu kun tô gembà du yóm Gónô Dwata, ne tek tlu kdawem bud hdà du. Yó ne, lenwaem knóem kun ke tahu uu se yóm Ngà Dwata. Kmóhi elaan dé.”

Matyu 27:42

Yó mon le, “Deng gel hlowilen kem dumu tau, là kô dog gbeken hlowil kun knô. Du kô kun tau hol geta bè yó kem tau Israél? Hentahu tekuy ke gbeken bud kmó elaan.