Matyu 27:4 - Udél Dwata: Gna Kesfasad ne Lomi Kesfasad

⁴ Mon Judas, “Tey kegsalau. Deng mom hekfóu yóm tau laen kô dù salaen anì hnatay le.” Bnalà le se, mon le, “Laen kô dù bud kum hentngón du ne yóm monem yó. Tódô kóm ne yó.”

Matyu 27:4 Referans Kwoze

1 Jan 3:12

Bê ye dnalang yóm tehe nmò Kain yóm kun tau Seitan, bnonoken twolihen Abél. Moen de ke bnonoken? Abay se là tedengen yóm gel nmoen, fen tedeng kun nmò yóm twolihen.

1 Pitér 1:19

Okóm yó soken tekuy, duhen yóm litô Krays, yóm litô laen dù gembek mayad du. Yóm Krays, hol lómón yóm ubiha gel hnatay le mò dsù le ebè Dwata, yóm ubiha alì hyu, bà udì ke wen gónón sidek.

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

Taytus 1:16

Ya mo kmon le du tngón le Dwata, okóm tódô dilóem bè yóm nmò le yóm là ktahuhen. Kem tau alì sidek nmò le, ne là hdon le. Là kô gbek le mò du yóm hyu.

1 Timuti 4:2

Ni kem tolok ni, fen hból yó kem tau hulung mò kéng, tau hulung smukat. Bè yóm deng alì kegedlug tendo kmò le kéng, yó se mit kul là bud dmilô du yóm tahu.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Kul Nmò 13:28

Balù yóm klaen dù salà ton le bè Jisas mò gónó le hmatay du, ewenem, sana kni le du bè Paylét anì hfatayen.

Kun Snulat Jan 19:7

Bnalà yó kem tau, mon le, “Wen hlau bélê me deng nuléhen nim tau ni, bè yó se gónón matay. Abay se deng bnoluyen knóen Ngà Dwata.”

Kun Snulat Luk 23:47

Bè yóm kehto Jisas, mdà bè yó yóm kfitan bè yó kem sendalù, ne gtanuden yóm kmoen, botong dóyónen Dwata, monen, “Tahu laen dù salaen ilóu tau ni.”

Kun Snulat Luk 23:41

Maya mon ni dum kut, abay se wen tahu duón le kut, ne ni se kguta te balà yóm tehe kut nmò. Là ni dum kun nim tau ni. Tódô hnatay le hkawang.”

Kun Snulat Luk 23:22

Bud mon Paylét bè getluhen dulék, monen mò yó kem tau, “Moen de? Tedu deng salaen bélê ye? Laen dù bang tonu béléen nim tau ni ke mò gónón matay. Olohu habid hfes du dé, ominu yó, bud hewà du.”

Matyu 27:54

Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”

Matyu 27:19

Yóm igò Paylét tolo myón bè yóm gónón myón kmukum, wen sulat hwit yehenen ebéléen, monen, “Hol béi abay gbót hemsidek du kóm yóm tau laen dù salaen yó. Tey sidek kegnómu du ebuteng lemwót bè yóm keknahu du.”

Juna 1:14

Ne omin le tmaba ebè Dwata, yó mon le, “Ó Dwata, ni hol hni me béléem, hol béem abay hbô kum klowilen nim tau ni. Lemwót béléem yóm gfà me ni, uu se mò du.”

Jirimaya 26:15

Okóm eles hol hendem ye ke hnatay ye ou, hnatay ye yóm tau laen dù salaen ne yu mbô du dalang se yóm kdéen tau bè nim syudad ni. Abay se bè ktahuhen, Dwata se fen hógów dou mò eles tmulón du kuy yó kem udél hetgamahen kuy.”

2 Bok Kem Tau Hol Geta 24:4

ne yóm tehe khatay Manasi yó kem tau laen dù salà le, botong lenngeben Jirusalim yóm litô le. Là kô gbek Dwata hmifót du yóm nmoen yó.

1 Bok Kem Tau Hol Geta 21:27

Timbow gungol Ahab yóm tulón ni tódô kenséen nesen, ne tles leseken nes sakù ne fasting. Tódô tungô lem yóm nes sakù leseken ne tendo lindan mógów lemwót bè yóm alì klangagen.

1 Samwél 15:30

Bnalà Sol, monen, “Denge gemsalà. Okóm yake htonem yóm kadatem do bè solu yó kem tmuha gel malak ne bè solu yó kem tau Israél. Mungi do mulék anì bud te tmaba ebè yóm sana kóm Dwata hol gónó mogot.”

1 Samwél 15:24

Ne yó udél Sol ebè Samwél, monen, “Denge gemsalà bè Dwata. Là nimónu du yóm hmoen do ne dalang se yóm hloloem do abay se likoe bè yó kem sendalù, tódô lolou yóm kul kóyô.

Kehewà 12:31

Bè yóm kifu yó, bud htaba Faro Musis ne Aron ne monen mò kul, “Mdó ye bè ni bè dou benwu, nwit ye yó kem dumu ye Israél. Géhél ye lemwót ne na ye e tmaba bè yóm kuy Dwata, hol lómón yóm deng hni ye béléu.

Kehewà 9:27

Omin Faro htaba kul le Musis ne Aron, monen mò kul, “Denge gemsalà ne dou. Tey tedeng yóm kun nmò Dwata okóm yóm dou ne yó kem tauhu, là kô me tedeng.

Deng Hegfan 11:10

Ya tey kehligal yóm kdéen tau te tonok bè yóm katay le. Tey ken bong nmò le, ne lel tey kesbasa le lemwót bè yóm kligal le. Yakà bè yó du kem lewu tugod Dwata yó gónón lemwót yóm tehe tey keglayam le.

1 Samwél 19:5

Deng hamaen klowilen bè yóm khatayen ke Gulayat yóm tau Flistin alì bong, ne yó se buten gónó Dwata hegmò kul yó kem tau Israél. Deng tonem se yó ne tey kehligalem. Moen se ke tô hnatayem yóm tau laen dù salaen béléem? Ne laen kô dù lasunem hmatay du.”

Kem Lingón 94:21

Ssotu atul le hemsidek yó kem tau tedeng, mom hatay kkukum le du yó kem tau laen dù salà le.

Kem Udél Hlalak Tehe Selumun 12:8

Gel megdóyón yóm tau bè yóm kun khulung hedem, okóm yóm tau là temnù kehedemen són mò le semdekà du.