Matyu 27:32 - Udél Dwata: Gna Kesfasad ne Lomi Kesfasad

³² Yóm tolo knô le bè lan, geslong le yóm sotu tau boluyen Simun, lemwót bè Sayrin. Tódô gnaga htihang le du yóm kros Jisas.

Matyu 27:32 Referans Kwoze

Mark 15:21

Yóm tolo knô le bè lan, geslong le yóm sotu tau boluyen Simun, lemwót lem bulul tô mógów ebè Jirusalim. Tódô gnaga htihang le du yóm kros Jisas. (Nim Simun gnaga le ni, sotu tau lemwót bè Sayrin. Du se mà le Eliksandel ne Rufus.)

Kun Snulat Luk 23:26

Bè yóm kwit le ke Jisas ebè tum gónó le e hmatay du, tódô geslong le yóm sotu tau boluyen Simun, tô mógów ebè Jirusalim. Tódô gnaga htihang le du huli ke Jisas yóm kros. Nim Simun ni, sotu tau lemwót bè Sayrin.Bè yóm deng kwit le ke Jisas yó, tey tau wen lemolò huli du. Wen se kem libun mkik dmumu le huli ke Jisas.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Kul Nmò 6:9

Okóm wen se kem tau mélés du nawa. Lu se yó kem Ju mung bè yóm kul gónó gel stifun yó kem Hesek Deng Gewà. Wen se bélê le lemwót bè syudad Sayrin ne syudad Aliksandriya. Wen se lemwót bè prubinsya Silisya ne bè prubinsya Asya. Yó nmò le, nit le skuya mon Stéfén.

Kul Nmò 2:10

Wen se lemwót bè benwu Frigya ne Pamfilya ne Idyip, balù yó kem benwu glem lem Libya, moni bè syudad Sayrin. Ne wen se lemwót bè syudad Rom.

Kul Nmò 13:1

Bè yó kem tau hemtahu bè syudad Antyok, wen se bélê le tódô gel tmugod ke Dwata, ne wen se bélê le hulung tmolok. Ni se boluy le: Barnabas, Simyun (yóm niba le Hitem), Lusyus (lemwót bè syudad Sayrin), ne Menain (yóm tehe dumuhen senok Gubérnor Hirod), ne Sol.

Kul Nmò 11:20

Okóm wen se bè yó kem dumu tau hemtahu lemwót bè Siprus ne bè syudad Sayrin, mógów le bè Antyok se kul, ne gbót tnulón le yó kem tau là Ju le yóm Tulón Hyu gbak ebè Jisas yóm gónó le mogot.

Kun Snulat Jan 19:17

Kewót le bè yó, nwit le Jisas, tódô htihang le du yóm kun kros. Nwit le ebè yóm benwu boluyen “Bangag Kulu.” (Yó boluyen bè udél Hibru, “Golgata.”)

1 Bok Kem Tau Hol Geta 21:13

Ominen wen lewu tau gel mò sidek sut, ne myón le bè solu Nabot. Yó nmò le, klamo le bè yó bè gónón wen, klamo le yóm deng kehmulaen ke Dwata ne homongen lemen yóm tau hol geta. Duhen yó, nwit le ebè lewà yóm syudad le ne hnatay sentudà le botu.

1 Bok Kem Tau Hol Geta 21:10

Omin ye mebel lewu tau gel mò sidek mò kmamo du igoen myón bè yó. Yó klamo le du mon le, deng henmulà Nabot Dwata homongen lemen yóm tau hol geta. Omin ye mit ke Nabot hewà ne hnatay sentudà ye botu.”

Kul Nmò 7:58

Omin le semsogot du, ne senkteng le mayuk gu bè yóm benwu le yó, tódô hnatay sentudà le botu. Yó kem tau semtudà du botu yó koni, gotu nlus le kgal le, ne tebel le bè yóm sotu tau lomi lemnok boluyen Sol anì mò mentey du.

Matyu 5:41

Ne ke wen sendalù gmaga kut mit yóm kun nwit bè sotu kilumitru, tódô nwit tekuy béléen bè lewu kilumitru sen.