Matyu 27:31 - Udél Dwata: Gna Kesfasad ne Lomi Kesfasad

³¹ Timbow le deng tmakas hmowon du, omin le bud mlus yóm nes hesek le du, bud hesek le du yóm sana kun nes. Kewót le bè yó ne tódô nit le ebè yóm gónó le tmutuk du bè kros.

Matyu 27:31 Referans Kwoze

Isaya 53:7

Tey sidek kmò le du, okóm tódô hen-ganagen nawahen hembala du. Hol lómón yóm ngà ubiha móyón senbalì là kóen mudél, duhen ke yóm ubiha móyón nóngós le béléen bulen là kóen mudél.

Hibru 13:12

Yó gónóm mon, bè yóm katay Jisas, matay ditu bè lewà yóm benwu le. Hamaen litóen mò hkó salà yó kem tau.

Kul Nmò 7:58

Omin le semsogot du, ne senkteng le mayuk gu bè yóm benwu le yó, tódô hnatay sentudà le botu. Yó kem tau semtudà du botu yó koni, gotu nlus le kgal le, ne tebel le bè yóm sotu tau lomi lemnok boluyen Sol anì mò mentey du.

Matyu 21:39

Tahu se. Tódô sensogot le yóm ngaen, ne tudà le hulé labat ne ditu gónó le hmatay du.”

1 Bok Kem Tau Hol Geta 21:13

Ominen wen lewu tau gel mò sidek sut, ne myón le bè solu Nabot. Yó nmò le, klamo le bè yó bè gónón wen, klamo le yóm deng kehmulaen ke Dwata ne homongen lemen yóm tau hol geta. Duhen yó, nwit le ebè lewà yóm syudad le ne hnatay sentudà le botu.

1 Bok Kem Tau Hol Geta 21:10

Omin ye mebel lewu tau gel mò sidek mò kmamo du igoen myón bè yó. Yó klamo le du mon le, deng henmulà Nabot Dwata homongen lemen yóm tau hol geta. Omin ye mit ke Nabot hewà ne hnatay sentudà ye botu.”

Kun Snulat Jan 19:27

Ne bud monen se mò yóm tau gel lemolò du yó koni, monen, “Yó dé yéem.” Tahu se, tódô nbuten bè yó ne knô Yê Jisas bè gónô yóm sotu tau gel lemolò ke Jisas yó.

Kun Snulat Jan 19:16

Tahu se, tódô hlus Paylét ebélê le Jisas anì na le e htutuk bè kros.

Matyu 20:19

Ne angat blay le elem tdok yó kem tau là Ju le. Tey kehlowon le du, ne lel le mfes du, ngangen efet tnutuk le bè kros. Bede bè getluhen kdaw, tódô bud hlowil Dwata.”

Matyu 26:2

“Deng tngón ye lewu ni he kehtohen yóm mò ken bong bélê tekuy bè Kdaw Khius. Segeng du yóm angat keblay le yóm Ngà Tau elem tdok yó kem tau angat tmutuk du bè kros.”

Mark 15:20

Timbow le deng tmakas hmowon du, omin le bud mlus yóm nes ginggung hesek le du yó koni, bud hesek le du yóm sana kun nes. Kewót le bè yó ne, nit le Jisas ebè yóm gónó le tmutuk du.