Matyu 27:30 - Udél Dwata: Gna Kesfasad ne Lomi Kesfasad

³⁰ Lel le semdulak du, bud na le yóm fes hogot le du, bud sensulit fes le te kuluhen.

Matyu 27:30 Referans Kwoze

Isaya 50:6

Tódô bayau kwangu bè yó kem tau mfes do. Tódô bayau snéen yóm kehnê le dou. Ne yóm kekdut le bngetu ne yóm kedfut le lem uyóhu, tódô bayau kul.

Matyu 26:67

Nbut le bè yó ne tendo hemsidek ke Jisas. Gotu sendulak le lem uyóhen, ne sensuntuk le, lel le semtfê du,

Mark 15:19

Bud sensulit nfes le bè kuluhen, lel le semdulak du. Gotu le mtud bukol bè soluhen, hningón tô nmò le béléen yóm gel kadat le yóm tau hol geta.

Isaya 53:7

Tey sidek kmò le du, okóm tódô hen-ganagen nawahen hembala du. Hol lómón yóm ngà ubiha móyón senbalì là kóen mudél, duhen ke yóm ubiha móyón nóngós le béléen bulen là kóen mudél.

Mika 5:1

Ó kem tau bè Jirusalim, gotu sentifun ye lu yó kem sendalù ye. Deng snibut le tekuy yó kem hohon tekuy. Wen tuged nogot le mò bogul le lem uyó yóm tau malak bè Israél.

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Isaya 52:14

Tódô le neb yó kem tau bè yóm tehe kton le du, là hol dilô le du lówóhen ke lówó tau.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Mark 10:34

Tey angat kehlowon le du, ne lel le semdulak du, ne angat nfes le, ngangen efet hnatay le. Bede bè getluhen kdaw, angat bud mowil.”

Mark 14:65

Nbut le bè yó ne tendo hemsidek ke Jisas. Wen se bélê le dmulak du. Omin le smefeng uyóhen, ne lel le semsuntuk du, mon le, “Tensob tulónem kum kun mau du nim hemgnóm kóm des ni?” Balù yó kem tau gel mentey bè yó, gotu gbót temfê du.