Matyu 27:3 - Udél Dwata: Gna Kesfasad ne Lomi Kesfasad

³ Timbow ton Judas, yóm tau tehe mlay ke Jisas sumóng, yóm deng kegtuled Jisas, ya tey khuli selen. Ominen bud tô hulék yóm tlu folò botù filak mgel tehe blay le du yó kem geta bè yó kem gel demsù ebè Dwata, ne yó kem tuha gónó le gel galak yó kem Ju.

Matyu 27:3 Referans Kwoze

2 Kurin 7:10

Tey bong hyu se yóm kegbeng lem lemwót bè Dwata, abay se niten tekuy hegsel anì guta tekuy yóm klowil laen dù sónen. Laen kô dù gónó tekuy gsel du yóm yó. Okóm yóm kul keblat nawa yó kem tau là hemtahuhen, mom niten lu elem hatay laen dù sónen.

Kun Snulat Jan 18:3

Ne tódô lemwót se Judas mógów ebè yó, nalaken yó kem tey sendalù wen, hono tau lemwót bè Rom. Mung kul yó kem tau gel mentey bè Gónô Dwata hógów yó kem tau hol geta bè yó kem gel demsù ebè Dwata ne yó kem Farisi. Gotu le mit ngom sfatay, ne bud le mit solok.

Kun Snulat Jan 13:27

Bè yóm kwa Judas yóm mambang ogu Jisas du, sen-gengen se husek ebéléen Seitan. Ne mon Jisas mò du, “Géhél nmoem ne yóm nmoem.”

Kun Snulat Jan 13:2

Timbow kifu bè yó, gotu le seyón ke Jisas mken yó kem gel lemolò du. Deng sana hnô Seitan lem hendem Judas yóm angat keblayen ke Jisas sumóng ebè yó kem hmohon du. Nim Judas ni, du se ngà Simun Iskariyut,

Kul Nmò 1:18

(Wen filak blay le ke Judas mò sukéyen bè yóm sidek nmoen yó. Ne lemwót yóm filak blay le du yó, hlós blihen tonok. Yó se yóm tonok gónón matay, ne tódô gotu msut tnahihen lanen hebtang.