Matyu 27:27 - Udél Dwata: Gna Kesfasad ne Lomi Kesfasad

²⁷ Lemwót yó kem sendalù Paylét, nwit le Jisas elem yóm gónô bong yóm gubérnor, ne gotu le sbung ebè yó se kul yó kem dumu sendalù bè yóm kul bung.

Matyu 27:27 Referans Kwoze

Kun Snulat Jan 18:33

Bud husek elem gónô bongen Paylét, htabahen Jisas, snólók Paylét béléen, monen, “Uu kô tau hol geta bè yó kem Ju?”

Kun Snulat Jan 18:28

Hol mwas bè yó se, nit le Jisas lemwót bè gónô Kyafas mógów le ebè gónô bong yóm gubérnor. Okóm kul yó kem Ju wen glalen yó, là hyuhen bè kul hlau ke husek le bè gónô yóm tau là Juhen. Ke yó tô nmò le, là bud le mólós kun, ne là kô le gemken bè yóm mò ken le bè Kdaw Khius.

Kul Nmò 10:1

Bè yóm syudad Seseriya, wen sotu tau boluyen Kurnilyus. Kfitan se kun, ne hono sendalù Rom nogoten. Yó kboluy le kul, “Sendalù lemwót bè Itali.”

Kul Nmò 23:35

yó gónón mon du, “Hnungolu he yóm duón le kóm ke deng le sut bè ni yó kem tau kmamo kóm.” Ominen yó mdók yó kem sendaluhen anì nwit le Pol ebè yóm sotu gónô tehe hdà yóm tehe Hirod anì ditu gónón hbentey du kul.

Kul Nmò 27:1

Timbow deng gefet bè yóm kdaw kehwit le kum ebè benwu Itali, wen sotu tau Rom boluyen Julyus fen mogot ke Pol ne yó kem dumu tau bnanggù homong hwit le. Nim Julyus ni, kfitan bè yóm sotu lumbuk sendalù Rom boluyen “Kem Sendalù Sisar.”

Kun Snulat Jan 18:3

Ne tódô lemwót se Judas mógów ebè yó, nalaken yó kem tey sendalù wen, hono tau lemwót bè Rom. Mung kul yó kem tau gel mentey bè Gónô Dwata hógów yó kem tau hol geta bè yó kem gel demsù ebè Dwata ne yó kem Farisi. Gotu le mit ngom sfatay, ne bud le mit solok.

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.