Matyu 27:26 - Udél Dwata: Gna Kesfasad ne Lomi Kesfasad

²⁶ Omin Paylét hewà ke Barabas ebélê le, ne nan na habid hfes Jisas, ne ominen bemlay du ebè yó kem sendalù mò na e tmutuk du bè kros.

Matyu 27:26 Referans Kwoze

Isaya 53:5

Okóm tódô lemwót bè salà tekuy yóm gónón hnalì yó. Ne lemwót bè ksidek nmò tekuy gónó le alì hemsidek mfes du. Fen tekuy tódô hyu lemwót bè yóm alì sidek ktafak le du. Gotu mkó ta tekuy yóm kdéen sidek lemwót bè yóm alì sidek kfes le du.

Kun Snulat Jan 19:1

Omin Paylét na habid hfes ke Jisas.

Mark 15:15

Ne mom yó nmò Paylét, hewaen ebélê le Barabas anì hyu nawa le ebéléen yó kem tau. Ne nan habid hfes Jisas, ominen bemlay du bè yó kem sendalù mò na a tmutuk du bè kros.

Kun Snulat Luk 23:16

Yó dou tô kukum du,” monen, “olohu habid hfes du dé, ominu yó tódô bud hewà du.”

Isaya 50:6

Tódô bayau kwangu bè yó kem tau mfes do. Tódô bayau snéen yóm kehnê le dou. Ne yóm kekdut le bngetu ne yóm kedfut le lem uyóhu, tódô bayau kul.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Mark 10:34

Tey angat kehlowon le du, ne lel le semdulak du, ne angat nfes le, ngangen efet hnatay le. Bede bè getluhen kdaw, angat bud mowil.”

Matyu 20:19

Ne angat blay le elem tdok yó kem tau là Ju le. Tey kehlowon le du, ne lel le mfes du, ngangen efet tnutuk le bè kros. Bede bè getluhen kdaw, tódô bud hlowil Dwata.”

Kun Snulat Jan 19:16

Tahu se, tódô hlus Paylét ebélê le Jisas anì na le e htutuk bè kros.