Matyu 27:25 - Udél Dwata: Gna Kesfasad ne Lomi Kesfasad

²⁵ Ne mon le se, “Tódô kum nbô ne litóen nim tau ni, dalang se kem kum ngà.”

Matyu 27:25 Referans Kwoze

Juswa 2:19

Bè yóm kdaw yó ke wen hewà bélê ye, kun salà ke angat matay, là kum snolu du. Okóm ke wen bélê ye nô lem gónô ne wen hemenen, kum snolu se yó.

Kul Nmò 5:28

monen mò kul, “Deng tey mget kmon me du mò kuy hol bê ye abay bud sentbong yóm boluy Jisas. Ngem ni kun, deng mom lengeben Jirusalim gónón e mból yóm gel tolok ye. Lel ye tô hbut du eta me yóm katayen yóm tau yó.”

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

1 Bok Kem Tau Hol Geta 2:32

Hbayad Dwata du yóm khatayen yóm lewu kem tau hyu sentahen. Abay se yóm tehe khatayen kul le Abnér ngà Nér yóm kmandér bè yóm sendalù Israél, ne Amasa ngà Jétér, yóm kmandér bè yó kem sendalù Juda, laen dù ke mà du.

2 Samwél 1:16

Ne yó udél Dabid ebè yóm tau Amalikayt deng matay yó, monen, “Uu se mò du bè knóem nim ni. Lómón ke hfatayem knóem bè yóm ktulónem du yóm khatayem yóm tau hol geta deng kun nélék Dwata.”

Kehewà 20:5

Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Matyu 21:44

Yóm botu monu yó koni, ke wen tau btang etahen, tódô gotu mfutul lówóhen. Ne ke wen tau gdilanen, tódô gotu lemuna.”

Kul Nmò 18:6

Okóm là dog mom hentahu le du, ne tey sidek gel kebkó le ebéléen. Yó nmò Pol, kenfungen nesen, ne monen mò kul, “Laen dù dou du ne ke bang Dwata tmafak kuy. Tódô ebè yó ne kem tau là Ju le gónóhu e tmolok.”