Matyu 27:24 - Udél Dwata: Gna Kesfasad ne Lomi Kesfasad

²⁴ Timbow ton Paylét yóm là kegbeken hewà ke Jisas, ne dilóen bè yó kem tey tau sbung bè yó wen tô sidek nmò le béléen ke là nmungen du yóm kul knóyô, yó gónón tódô ma él, ne noloben tdoken lem mata le, monen mò kul, “Laen dù dou du bè yóm khatay ye du nim tau ni. Tódô kuy nbô yóm kgamà litóen.”

Matyu 27:24 Referans Kwoze

Matyu 27:4

Mon Judas, “Tey kegsalau. Deng mom hekfóu yóm tau laen kô dù salaen anì hnatay le.” Bnalà le se, mon le, “Laen kô dù bud kum hentngón du ne yóm monem yó. Tódô kóm ne yó.”

Kem Lingón 26:6

Nolobu tdoku mò gónów hegfan yóm klaen dù salau. Mógówe lemibut yóm gónó me gel demsù ebéléem, Dwata,

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

Matyu 26:5

“Okóm,” mon le, “bê tekuy hesegeng bè yóm mò ken bong, kô wen sidek nmò le bélê tekuy yó kem tau.”

Kul Nmò 3:14

Nim Jisas ni, du se yóm tau laen kô dù belenen yóm kmoen, hono hyu. Okóm deng mom senkbê ye, ne deng mom yó hni ye bè Paylét yóm tau monok anì hefewaen.

Kun Snulat Jan 19:4

Bud hewà bè yó Paylét, monen mò yó kem tey tau wen sbung bè yó, “Ngem bud nitu hewà ebélê ye tum tau tu koni anì tngón ye laen kô dù salà tonu béléen ke mò gónóhu hmatay du.”

Matyu 27:54

Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”

Matyu 27:9

Yóm nmò le yó deng gónóhen dohò yóm tehe mon yóm sotu tehe gna tugod Dwata boluyen Jirimaya, “Nwa le yóm tlu folò filak mgel yó, yó se kul btes du yó kem tau Israél.

Jirimaya 2:35

Mom yó gel mon ye, ‘Laen kô dù salà deng nmò me. Là kô lenbut Dwata kum.’ Okóm ni, ou se yóm Dwata angat tmafak kuy, abay se deng hnalà ye yóm kegsalà ye.

Jirimaya 2:27

Deng le gotu menmà bè yóm dwata lenbù nmò le bè koyu ne menyê le bè yóm sotuhen nmò le gu bè botu. Deng knogol le ou, okóm ke wen gfà le, bud le hkodu béléu anì lenwau lu.

Matyu 27:19

Yóm igò Paylét tolo myón bè yóm gónón myón kmukum, wen sulat hwit yehenen ebéléen, monen, “Hol béi abay gbót hemsidek du kóm yóm tau laen dù salaen yó. Tey sidek kegnómu du ebuteng lemwót bè yóm keknahu du.”

Matyu 27:23

Bud snólók Paylét bélê le, monen, “Moen de? Tedu deng salaen bélê ye?” Okóm deng mom lenwê le hetê, mon le, “Tódô htutukem bè kros ne.”

Kun Snulat Jan 13:9

Bud mon Simun Pitér, “Ke lómón se yó, Sér, béen són ti nolobem, homong nolobem sigelu ne kuluhu snéen.”