Matyu 27:23 - Udél Dwata: Gna Kesfasad ne Lomi Kesfasad

²³ Bud snólók Paylét bélê le, monen, “Moen de? Tedu deng salaen bélê ye?” Okóm deng mom lenwê le hetê, mon le, “Tódô htutukem bè kros ne.”

Matyu 27:23 Referans Kwoze

Kul Nmò 7:57

Bè yóm kungol le du yóm udél Stéfén yó, tódô nseng le klingu le yó kem tau hol geta mogot kukum yó, tódô le gotu hetê demlu ebéléen.

Kul Nmò 23:10

Deng mom lenwê le yóm alì keseftê le yó. Botong tafa nawa yóm kmandér, hendemen ke senkteng le Pol yó kem tau, ngem kà skó lówóhen lem blóng le. Tódô kendel dóken yó kem sendaluhen anì géhél na le e nangay Pol anì nit le mulék ebè kamfù le.

Matyu 27:22

Ne mon Paylét, “Tedu se tô kmou ke Jisas du, yóm bnoluy le Misaya?” Deng mom yó balà le du, mon le, “Htutukem bè kros kun yó du.”

Matyu 27:24

Timbow ton Paylét yóm là kegbeken hewà ke Jisas, ne dilóen bè yó kem tey tau sbung bè yó wen tô sidek nmò le béléen ke là nmungen du yóm kul knóyô, yó gónón tódô ma él, ne noloben tdoken lem mata le, monen mò kul, “Laen dù dou du bè yóm khatay ye du nim tau ni. Tódô kuy nbô yóm kgamà litóen.”

Kun Snulat Luk 23:4

Okóm bud mudél Paylét ebè yó kem tau hol geta gel demsù ebè Dwata ne ebè yó kem dumu tau sbung bè yó, monen, “Laen kô dù salà tonu béléen nim tau ni ke mò gónóhu tmuled du nim tau ni.”

Kul Nmò 13:28

Balù yóm klaen dù salà ton le bè Jisas mò gónó le hmatay du, ewenem, sana kni le du bè Paylét anì hfatayen.

Kem Udél Hlalak Tehe Selumun 16:30

Tódô gfan bè uyó kem tau yóm katul le mò sidek ne tódô dilô bè kekdol sumóng le yóm deng kmò le sidek.