Matyu 27:21 - Udél Dwata: Gna Kesfasad ne Lomi Kesfasad

²¹ Bud snólók Paylét yó kem tau sbung bè yó, monen, “Mahi du bè ni kem lewu tau monu ni koni mò hewau ebélê ye?” Mon le se, “Barabas.”

Matyu 27:21 Referans Kwoze

Matyu 27:20

Okóm yó nmò yó kem geta bè yó kem gel demsù ebè Dwata ne yó kem tuha gónó le gel galak, nofong le yó kem tau sbung bè yó anì yó hni le Barabas, ne fen hfatay le Jisas.

Matyu 27:22

Ne mon Paylét, “Tedu se tô kmou ke Jisas du, yóm bnoluy le Misaya?” Deng mom yó balà le du, mon le, “Htutukem bè kros kun yó du.”

Kem Lingón 88:8

Deng mom hlayukem béléu yó kem weu. Denge tey sidek bélê le. Denge gholot, laen dù lanu gewà.

Matyu 27:17

Timbow le deng gotu stifun ebè yó yóm tey tau wen, snólók Paylét lu, monen, “Tau du de kuy nóyô mò hewau bélê ye, Jisas Barabas duhen ke Jisas yóm Misaya?”

Kun Snulat Luk 20:14

Ne tahu se, hewóten yóm ngaen. Timbow ton yó kem tau mogot hulu yóm ngà yóm fun hulu, stulón le, mon le, ‘Yó nii ngà yóm tau fun hulu. Hnatay tekuy anì gfun tekuy yóm tonok angat nfunen.’

Kun Snulat Luk 23:13

Yóm deng bud kkól Jisas ebè Paylét, gotu htaba Paylét lu yó kem tau hol geta gel demsù ebè Dwata, ne yó kem tuha gónó le gel galak yó kem Ju kkólen bè yó kem tau hkawang.