Matyu 27:19 - Udél Dwata: Gna Kesfasad ne Lomi Kesfasad

¹⁹ Yóm igò Paylét tolo myón bè yóm gónón myón kmukum, wen sulat hwit yehenen ebéléen, monen, “Hol béi abay gbót hemsidek du kóm yóm tau laen dù salaen yó. Tey sidek kegnómu du ebuteng lemwót bè yóm keknahu du.”

Matyu 27:19 Referans Kwoze

Matyu 27:24

Timbow ton Paylét yóm là kegbeken hewà ke Jisas, ne dilóen bè yó kem tey tau sbung bè yó wen tô sidek nmò le béléen ke là nmungen du yóm kul knóyô, yó gónón tódô ma él, ne noloben tdoken lem mata le, monen mò kul, “Laen dù dou du bè yóm khatay ye du nim tau ni. Tódô kuy nbô yóm kgamà litóen.”

1 Pitér 2:22

Laen kô dù salaen se kun, ne laen kô dù kéng deng btang bè sumóngen.

Kun Snulat Jan 19:13

Timbow gungol Paylét yóm mon le yó koni, ominen bud mit ke Jisas hewà, ne myón bè yóm bangkù gónón gel hemdeng knukum, yóm bnoluy le “Sneel Botu.” (Yó boluyen bè udél Hibru, “Gabata.”)

Kun Snulat Luk 23:47

Bè yóm kehto Jisas, mdà bè yó yóm kfitan bè yó kem sendalù, ne gtanuden yóm kmoen, botong dóyónen Dwata, monen, “Tahu laen dù salaen ilóu tau ni.”

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

Matyu 27:4

Mon Judas, “Tey kegsalau. Deng mom hekfóu yóm tau laen kô dù salaen anì hnatay le.” Bnalà le se, mon le, “Laen kô dù bud kum hentngón du ne yóm monem yó. Tódô kóm ne yó.”

Matyu 2:22

Timbow gungol Jusif, yóm ngà Hirod boluyen Arkilus tles mogot bè prubinsya Judiya, yó gónó Jusif likò bud nô bè yó. Bud hekna Dwata ke Jusif anì hlós ebè prubinsya Galili.

Matyu 2:19

Timbow deng matay Hirod, wen bud hógów Dwata gu bè longit na a hegfan bè kna Jusif ditu bè Idyip, monen mò du,

Matyu 1:20

Yóm igoen tolo hemdem du yóm yó, tódô wen hógów Dwata gu bè longit hegfan béléen bè knahen, monen mò du, “Ó Jusif, semfu gu bè Dabid, béi hengayà myehen ke Midi abay se lemwót bè Tulus Dwata yóm bnututen.

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Isaya 53:11

Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Tekang Kbuten 31:29

Wen se kwalisu mò sidek béléem, okóm ebuteng hegfan béléu bè knahu yóm Dwata gónón mogot maem. Eles hetgamahen dou anì là mudéle sidek ebéléem.

Tekang Kbuten 31:24

Bè yóm kifu yó, hegfan bè kna Laban Dwata, monen mò du, “Ó Laban, hol ten-gamahem yóm kudélem ebè Jakub, béi abay mudél sidek ebéléen.”

Kun Snulat Luk 23:41

Maya mon ni dum kut, abay se wen tahu duón le kut, ne ni se kguta te balà yóm tehe kut nmò. Là ni dum kun nim tau ni. Tódô hnatay le hkawang.”

Tekang Kbuten 31:11

Bè yóm knahu yó, wen hógów Dwata gu bè longit mudél ebéléu, monen, ‘Ó Jakub.’ Monu se, ‘Hó. Ni ou.’

Matyu 27:18

Deng tódô tngón Paylét se yóm alì kélés nawa le ke Jisas yó kem tau mit du ebéléen yó.

Kul Nmò 12:21

Timbow gefet yóm kdaw le mit stulón bè Hirod, deng gotu hget lesek Hirod yóm nes tau hol geta, ne myón bè yóm bangkù gónóhen gel myón kmukum, ne ominen mudél ebè yó kem tau sbung.

Kul Nmò 18:12

Tikóng deng nmò le gubérnor bè yó bè yóm prubinsya Akiya yóm sotu tau Rom boluyen Galyu, yó nmò yó kem Ju, slomong le, na le e senkfô Pol anì nit le skukum bè yóm gubérnor yó.

Kul Nmò 18:16

Ne gotu hdóhen lu bè yó.

Kul Nmò 18:17

Lemwót yó kem tau là Ju le mdà bè yó, gotu sensogot le Sustinis, yóm tau malak bè gónó le gel stifun yó kem Ju, ne gotu sensuntuk le bè yó bè lewà yóm gónô gónó le gel skukum. Ton Galyu se, okóm tódô bayaen lu.

Kul Nmò 25:6

Wen dô wolu duhen ke sfolò buteng Fistus nô bè Jirusalim, ominen bud mulék ebè Seseriya. Timbow hayahen bè yó, myón bè gónó le gel skukum, ne hangayen Pol.

Kul Nmò 25:10

Okóm mon Pol, “Ni denge mdà bè gónóen kmukum yóm tau henged lówó yóm tau hol geta bè Rom. Hyu ke bè ni ne gónó ye kmukum dou. Tódô tngónem se kóm, Sér, laen kô dù salau bè yó kem dumuhu Ju.

Kul Nmò 25:17

Glok le gotu mógów edini yó kem tau kmamo du. Hayahen bè yó, myóne bè yóm gónó kmukum, ne ominu hangay ke Pol.