Matyu 27:11 - Udél Dwata: Gna Kesfasad ne Lomi Kesfasad

¹¹ Lemwót ke Jisas, nit le ebè solu Paylét, yóm tau lemwót bè Rom gubérnor bélê le. Snólók Paylét Jisas, monen, “Uu kô tau hol geta bè yó kem Ju?” Mon Jisas se, “Yó sii deng monem.”

Matyu 27:11 Referans Kwoze

Matyu 26:25

Mudél se Judas, yóm mlay du sumóng, monen, “Ou kô, Sér, gónón e gbak yóm monem yó?” Bnalà Jisas se, monen, “Yó sem deng monem yó.”

Mark 14:62

Bnalà Jisas se, monen, “Ou se. Angat gotu ton ye yóm Ngà Tau myón fi bè kwanan yóm Dwata laen dù là gbeken du. Ne angat ton ye se yóm kesfuléken edini mung bè lobun.”

Matyu 26:64

Bnalà Jisas se, monen, “Yó sii deng monem. Okóm wen tulónu kuy, angat ton ye yóm Ngà Tau myón fi bè kwanan Dwata, yóm laen dù là gbeken du, ne angat ton ye se yóm kesfuléken edini mung bè lobun.”

Matyu 2:2

“Gónóhen seblà sut de yóm ngà mò angat geta bè yó kem Ju? Deng ton me gu ditu bélê me yóm blotik mò ilô yóm ksuten. Nim nógów me ni, na me e hnódó.”

1 Timuti 6:13

Wen hlauhu kóm, mungol Dwata yóm deng hlowil yóm kdéen, ne mungol Krays Jisas yóm hol tmulón du yóm ktahuhen balù yóm kdaen bè solu Pontyus Paylét.

Matyu 10:25

Hyu nawahen yóm tau dmalang ke deng guliten yóm tau tmolok du. Ne yóm tau mò nmò, hyu nawahen ke deng guliten yóm amohen. Ke Seitan boluy le du yóm gónó ye mogot, milud he ksidek udél le ebélê ye, yu kem mogot béléu.”

Matyu 10:18

Lemwót bè yóm klolò ye do gónó le angat mit kuy bè solu yó kem gubérnor, ne bè yó kem tau hol geta. Yó se kdaw ye tnana hetngón du bélê le yóm Tulón Hyu, dalang se ebè yó kem tau là Ju le.

Kun Snulat Luk 22:70

Ne bud snólók le Jisas, mon le, “Ke lómón se yó monem, Ngai Dwata kô?” Ne yó balà Jisas kul, monen, “Yó sem deng mon ye yó.”