Matyu 26:8 - Udél Dwata: Gna Kesfasad ne Lomi Kesfasad

⁸ Bè yóm kton le du yó kem gel lemolò du, mo le mom lembut, mon le, “Moen ke gotu namaen yóm yóó?

Matyu 26:8 Referans Kwoze

Mark 14:4

Okóm wen se bè yó kem tau nô bè yó, deng le mom lembut, stulón le, mon le, “Moen ke mom namaen yóm hboo yóó?

Kehewà 5:17

Mom yó balà Faro kul, monen, “Abay se mduk ye, là móyô ye mò nmò. Ne yó se gónó ye mbal béléu anì tô hlusu yu na a demsù ebè Dwata.

Amus 8:5

Gel hendem ye, “Hyu ke géhél deng yóm kestifun tekuy bè yóm lomi bulón ni anì géhél tekuy bud hembalù halay. Hyu ke géhél deng yóm Kdaw Kehegnô anì géhél tekuy bud hembalù. Omin tekuy hol hebtes du yóm hbalù tekuy ne gmantang tekuy bè yóm gantang kmulang ne tmimbang tekuy bè yóm timbang lemugì.

Malakay 1:13

Yó gel mon ye, ‘Tey mgel bélê me lemolò du yóm dê hlolò Dwata ni,’ ne deng ye meklit lemolò yóm dou hlau,” udél yóm Dwata laen dù là gbeken du. “Ngem, deng mom dsù ye ebéléu yóm ógóf hennagaw ne ógóf tugô ne ógóf wen desen. Henmóyóu kô yóm ógóf lómónen yó? Là kô naw e henmóyô du,” mon Dwata.

Matyu 20:24

Timbow gungol yó kem sfolò gel dumu le lemolò ke Jisas yóm hni yó kem lewu tau setwoli yó, ya tey sidek kebut le kul.

Matyu 26:7

Yóm igoen mken bè yó, sut béléen yóm sotu libun, wen sobuy alabastér nwiten hnok yóm hboo alì mebtes, ne tey minggel boohen. Tódô gotu msulék koken te kulu Jisas.

Matyu 26:9

Mom hyu ke tehe tódô hbaluen, bong he gutahen du, ominen bemlay du bè yó kem élél yóm blihen.”