Matyu 26:74 - Udél Dwata: Gna Kesfasad ne Lomi Kesfasad

⁷⁴ Tódô smafà Pitér lem blóng le, monen, “Hol tnafak Dwata se o ne ke kéngu yóm tulónu kuy. Là kô tngónu du dou yóm tau yó.” Ne tódô sen-gengen se kmóót onuk.

Matyu 26:74 Referans Kwoze

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

1 Kurin 16:22

Yóm tau là kembong nawa du yóm gónó tekuy mogot, yake hol megtafak. Marana ta. Yó lanen, “Ó Gónó Mogot, géhéli bud semfulék ne.”

Kun Snulat Jan 18:27

Okóm bud hnalà Pitér, ne tódô sen-gengen se kmóót onuk.

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Sulat Pol Ebè Yó Kem Tau Hemtahu Bè Rom 9:3

bè yó kem dou dumu Ju, yó kem tau hol dou litô. Sidek kegnómu du abay se là kô le hemtahu bè Krays. Ke yó dum gmò, mom hyu dé ke ou fen tnafak Dwata mò tles lówó le, ne ke ou fen glayuk bè Krays anì lu yóm gewà gu lem tafak.

Kun Snulat Luk 22:60

Okóm yó balà Pitér du, monen, “Là me gi. Là kô tngónu du yóm monem yó.” Ne tódô sen-gengen se kmóót onuk.

Mark 14:68

Okóm mom hnalà Pitér, monen, “Là kô naw e tngón du dou yóm monem yó.” Ominen mógów etu bè bak tikeb yóm labat, ne tódô sen-gengen se kmóót onuk.

Mark 14:30

Bnalà Jisas se, monen, “Tódô tulónu kóm ktahuhen, Pitér. Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem dou.”

Matyu 27:25

Ne mon le se, “Tódô kum nbô ne litóen nim tau ni, dalang se kem kum ngà.”

Matyu 26:34

Bnalà Jisas se, monen, “Tódô tulónu kóm ktahuhen, Pitér, gu laanen là deng kmóót onuk kifu ni kedeng, deng sana tlu dulékem hmalà yóm ketngónem dou.”

Matyu 26:73

Tikóng deng bud legen udì bè yó, mógów le ebè Pitér yó kem tau mdà gu bè yó, mon le mò du, “Kaem uu se hol sotu bélê le. Dilô me bè kudélem lemwóti bè Galili.”

Matyu 26:75

Ominen yó gbel bè nawa Pitér yóm deng tehe eles mon Jisas mò du, yóm monen, “Gu laanen là deng kmóót onuk kifu ni kdeng, deng sana tlu dulékem hmalà yóm ketngónem dou.” Unihen gbel bè nawahen yóm tehe mon Jisas mò du, tódô hewà, ya tey sidek kkiken.