Matyu 26:72 - Udél Dwata: Gna Kesfasad ne Lomi Kesfasad

⁷² Ya tey bud kehlalà Pitér, gloken smafà ke tngónen Jisas.

Matyu 26:72 Referans Kwoze

Kun Snulat Luk 22:34

Ne bnalà Jisas Pitér, monen, “Tódô tulónu kóm ktahuhen, Pitér. Gu laanen là deng kmóót onuk kifu ni kdeng, deng sana tlu dulékem ne hmalà yóm ketngónem dou.”

Matyu 26:74

Tódô smafà Pitér lem blóng le, monen, “Hol tnafak Dwata se o ne ke kéngu yóm tulónu kuy. Là kô tngónu du dou yóm tau yó.” Ne tódô sen-gengen se kmóót onuk.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Sikaraya 8:17

Bê ye abay mò atul sidek ebè kem dumu ye. Ne hol tenflok ye yóm gel smafà là tahuhen. Abay se ni kem kdéen ni, tey kekbéu du,” mon Dwata.

Kehewà 20:7

Bê ye tódô óyô moluy du yóm dou boluy. Yakà ou du yóm sana kuy Dwata hol gónó ye mogot. Tnafaku yóm tau tódô faen moluy du yóm dou boluy.

Matyu 26:71

Ne bud mógów ebè bak tikeb yóm labat. Ne bud wen sotu ngà libun mton du, ne monen mò yó kem tau bè yó, “Ni se sotu tau gel mung ke Jisas, yóm tau lemwót bè Nasarit.”

Matyu 26:73

Tikóng deng bud legen udì bè yó, mógów le ebè Pitér yó kem tau mdà gu bè yó, mon le mò du, “Kaem uu se hol sotu bélê le. Dilô me bè kudélem lemwóti bè Galili.”