Matyu 26:69 - Udél Dwata: Gna Kesfasad ne Lomi Kesfasad

⁶⁹ Sana tolo kyón Pitér talak lósól he kun. Ne mógów ebéléen sotu bè yó kem ngà libun gel dók yóm tau geta bè yó kem gel demsù ebè Dwata, monen mò ke Pitér, “Kaem uu se sotu tau gel mung ke Jisas, yóm tau lemwót bè Galili.”

Matyu 26:69 Referans Kwoze

Matyu 26:71

Ne bud mógów ebè bak tikeb yóm labat. Ne bud wen sotu ngà libun mton du, ne monen mò yó kem tau bè yó, “Ni se sotu tau gel mung ke Jisas, yóm tau lemwót bè Nasarit.”

1 Bok Kem Tau Hol Geta 19:13

Bè yóm kungol Ilaydya du, botong snefengen nes uyóhen ne hewà mdà bè bak yóm kilib. Yó mon yóm mudél yó, “Ó Ilaydya, tedu se nmoem bè ni ni du?”

Kul Nmò 5:37

Kogolen bè yó, bud wen sotu tau sut boluyen Judas, tau lemwót bè Galili. Uma kóm bè yóm ksuten geblà bè yóm kdaw kehsulat le boluy bè gubérnor yóm kdéen tau. Yóm tau yó, wen se tau gmung béléen, okóm bud bnonok le snéen kun. Tódô le se gotu sekla yó kem tau tehe lemolò du.

Kun Snulat Jan 7:52

Yó balà le ke Nikudimus yó kem dumun Farisi, mon le, “Tauhi lemwót bè Galili kô kóm? Hennagiem dé yóm Sulat Dwata, nénégem ke wen tugod Dwata lemwót bè Galili.”

Kun Snulat Jan 7:41

Bud mon kem dumu, “Deng duhen ni se yóm Misaya.” Okóm mon kem dumu tau, “Là kóen lemwót bè Galili yóm Misaya.

Kun Snulat Jan 1:46

Ne mon Natanyél se mò ke Filip, monen, “Ê. Wen kô tau hyu kmoen lemwót bè Nasarit?” Ne mon Filip se mò du, “Mungi do dé, nam e hnénég.” Tahu se, mung ke Filip Natanyél.

Matyu 26:58

Bè yóm kwit le ke Jisas, fen holun huli Pitér efet kól bè gónô yóm tau geta yó koni. Ne hlós e talak lósól, ne seyón bè yó kem tau gel mentey bè yó, hnilungen yóm mò kmò le ke Jisas.

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Matyu 21:11

Bnalà yó kem tey tau sbung, mon le, “Ni se yóm Jisas, yóm tugod Dwata lemwót bè Nasarit, yóm sotu benwu bè prubinsya Galili.”

Kem Lingón 1:1

Hligal le kul yó kem tau kembê du yóm kul gel hlau yó kem tau gel mò sidek, ne ke là lolò le du yóm kul kmò yó kem tau gemsalà, duhen ke là gbót le bè yó kem tau hemnê ke Dwata.

1 Bok Kem Tau Hol Geta 19:9

Tikóng kól bè yóm bulul yó, ominen mógów ebè yóm sotu kilib, ne bè yó gónón nô kifu. Tódô mudél ebéléen Dwata, monen, “Ó Ilaydya, tedu nmoem bè ni ni du?”

Matyu 26:70

Okóm mom hlalà bélê le Pitér, monen, “Là kô naw e tngón du dou yóm monem yó.”