Matyu 26:65 - Udél Dwata: Gna Kesfasad ne Lomi Kesfasad

⁶⁵ Mung kungolen du nim udél Jisas ni yóm tau geta bè yó kem gel demsù ebè Dwata, botong tódô kenséen nesen, monen, “Tô hsengeden knóen bè Dwata. Omin he ke bud wen tifù du. Deng tódô gungol tekuy yóm kehsengeden knóen bè Dwata.

Matyu 26:65 Referans Kwoze

Kun Snulat Jan 10:36

milud he kehyuhen béléu, abay se ou yóm deng tehe nélék Dwata mò hógówen elem benwu. Moen de ke mon ye nuléhu Dwata bè yóm kmonu du, Ou se Ngà yóm Dwata?

Kun Snulat Jan 10:33

Bnalà le se, mon le, “Là tnudà me kóm botu bè yó dum kehyu nmoem, okóm bè yóm kehsengedem knóem bè Dwata. Olohem tau hkawang he kóm, tói hbaling Dwata.”

Matyu 9:3

Timbow gungol yó kem tau gel tmolok hlau yóm udél Jisas yó, mom yó hendem le, “Moen tau ni ke hsengeden knóen bè Dwata?”

Jirimaya 36:24

Okóm yóm tau hol geta ne yó kem genlalen, balù udì ke gfan bélê le ke wen klikò le duhen ke kegsel le bè yóm deng gungol le.

Lista 14:6

Ne yó nmò Juswa yóm ngà Nun lewu le Kalib yóm ngà Jifuni, yóm lewu bè yó kem tau hemkana, botong kensê le nes le lemwót bè yóm alì ksidek kegnóm le du.

Kul Nmò 14:14

Timbow gungol Barnabas ne Pol yóm tô nmò le yó, botong geksê le nes le. Tódô le mlóy etu bè yóm gónó le deng stifun yó kem tau,

Kun Snulat Luk 5:21

Bong yó kem gel tmolok hlau ne yó kem Farisi, bè yóm kungol le du yóm udél Jisas yó, yó hendem le, “Tmau du mni? Mom hsengeden knóen bè Dwata. Laen kô dù tau gembek hmifót salà, tek són sem Dwata.”

2 Bok Kem Tau Hol Geta 18:37

Omin le lemwót le Ilyakim ngà Hilkaya yóm mogot yóm gónô bong, ne Sibna yóm fen gel smulat bélê le bè kukum, ne Juwa ngà Asaf yóm fen hemyu yóm gel snulat le, mulék le ebè Hisikaya, deng gotu kensê le nes le, ne gotu tulón le du yóm kdê deng monen mò kul yóm kmandér lemwót bè Asirya.