Matyu 26:63 - Udél Dwata: Gna Kesfasad ne Lomi Kesfasad

⁶³ Okóm là dogen mudél Jisas. Ominen bud mudél ebéléen yóm tau geta yó koni, monen, “Wen snólóku béléem. Bè yóm kbalaem du, hol hlanem bè boluy yóm Dwata laen dù tul katayen. Tulónem kum kun ktahuhen ke uu yóm Misaya, yóm hol Ngà Dwata.”

Matyu 26:63 Referans Kwoze

Matyu 16:16

Fen bnalà Simun Pitér, monen, “Uu se yóm Misaya, yóm Ngà yóm Dwata laen kô dù tul katayen.”

Isaya 53:7

Tey sidek kmò le du, okóm tódô hen-ganagen nawahen hembala du. Hol lómón yóm ngà ubiha móyón senbalì là kóen mudél, duhen ke yóm ubiha móyón nóngós le béléen bulen là kóen mudél.

Matyu 27:12

Okóm là kô bnalaen kul yó du kem dê tifù le du yó kem geta bè yó kem gel demsù ebè Dwata ne yó kem tuha gónó le gel galak.

1 Samwél 14:26

Balù kdù le du là kô nmò le du abay se likò le bè yóm deng safà Sol.

Kun Snulat Jan 20:31

Ni gónóhu smulat du ni kem ni anì hentahu ye se kuy yóm Jisas, du se yóm Misaya, yóm hol Ngà Dwata. Lemwót bè yóm kehtahu ye du, yó se gónó ye gmuta yóm klowil laen dù sónen.

Kun Snulat Jan 19:9

Tódô bud husek elem gónóen, ne bud snólóken Jisas, monen, “Tedu de hol gónóm gu lemwót?” Okóm là dog bnalà Jisas du.

Kun Snulat Jan 19:7

Bnalà yó kem tau, mon le, “Wen hlau bélê me deng nuléhen nim tau ni, bè yó se gónón matay. Abay se deng bnoluyen knóen Ngà Dwata.”

Kun Snulat Jan 18:37

Mon Paylét se, “Ke lómón se yó, tauhi hol geta kô?” Bud mon Jisas se, “Tahu se yóm monem yó, tauhe hol geta. Yó se gónóhu sut lem benwu ne hbaling tau anì naw e tulón yóm hol ktahuhen. Yó se tau móyô lemolò yóm ktahuhen, yó se yóm tau móyô hmungol yóm dou tulón.”

Kun Snulat Jan 10:36

milud he kehyuhen béléu, abay se ou yóm deng tehe nélék Dwata mò hógówen elem benwu. Moen de ke mon ye nuléhu Dwata bè yóm kmonu du, Ou se Ngà yóm Dwata?

Kun Snulat Jan 10:30

Tódô me ssotu Mà.”

Kun Snulat Jan 10:24

Gotu le stifun hmilol du yó kem Ju, mon le mò du, “Hol béem abay hegewu nawa me. Tulónem kum ktahuhen. Uu kô yóm Misaya?”

Kun Snulat Jan 8:25

Ne bud mon le mò ke Jisas, “Tmau kóm de?” Mon Jisas se, “Igou sem deng hónô tmulón du kuy lemwót bè kbut ktoloku efet nim kmoen ni.

Kun Snulat Jan 6:69

Deng me hemtahu béléem se kum. Tódô tngón me uu se yóm laen dù belenen lemwót gu bè Dwata.”

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Kun Snulat Jan 1:34

Ne tahu se,” mon Jan, “deng tonu. Tódô tulónu kuy, deng duhen Jisas se yóm hol Ngà Dwata.”

Mark 14:61

Okóm là dog bnalà Jisas du, tódô neb. Ominen bud mudél yóm tau hol geta yó koni, monen, “Uu kô yóm Misaya, yóm hol Ngà Dwata?”

Matyu 27:54

Bè yóm kehto Jisas, tolo mentey yóm kfitan, mung du yó kem sendaluen. Ya tey sidek klikò le bè yóm tey linol ne yó kem dê dumu ton le. Botong mon le, “Tahu duhen ni se yóm Ngà Dwata.”

Matyu 27:43

Gel smalig bè Dwata kun, ne du kun yóm Ngà Dwata. Nénég ke móyô Dwata lemwà du.”

Matyu 27:40

mon le, “Uu kun tô gembà du yóm Gónô Dwata, ne tek tlu kdawem bud hdà du. Yó ne, lenwaem knóem kun ke tahu uu se yóm Ngà Dwata. Kmóhi elaan dé.”

Matyu 27:14

Okóm là dog bnalà Jisas kul, balù sekteb. Ya tey ketnga yóm gubérnor yóm là dog kbalà Jisas kul.

Danyél 3:16

Yó balà le Sadrak ne Misak ne Abidnigu du, mon le, “Ó Nibukadnisar, laen mu me malà kóm bè yóm udélem yó.

Kem Udél Hlalak Tehe Selumun 29:24

Yóm tau momung ne lemimeng yóm tau mnagaw igoen temngón du megtuled du, hensideken knóen.

2 Tutul Israél 18:15

Okóm yó balà Ahab du yóm tau hol geta, monen, “Deng hilu duléku ne mon du mò kóm, ke hlanem bè boluy Dwata yóm kudélem ebéléu, hol tulónem yóm ktahuhen.”

1 Bok Kem Tau Hol Geta 22:16

Okóm yó balà Ahab du, monen, “Deng hilu duléku ne mon du mò kóm, ke hlanem bè boluy Dwata yóm kudélem ebéléu, hol tulónem yóm ktahuhen.”

1 Samwél 14:28

Okóm wen sotu tau mton du ne monen mò du, “Deng wen safà maem yó kem sendalù mung du, monen, ‘Ke wen tau mken kemdaw ni, hol matay.’ Yó se gónó le gotu lenmek yó kem tau lan le bitil.”

1 Pitér 2:23

Bè yóm tehe kehnê le du, là kô nan e bnalà kul. Bè yóm tehe keglayamen, là kô nan e nifis kul. Tódô snaligen Dwata, abay se tngónen yóm kkukum Dwata, tey tedeng.

1 Samwél 14:24

Bè yóm kdaw kesgida le yó, gotu le lenmek yó kem tau Israél lemwót bè yóm alì kbitil le lan Sol deng smafà, monen, “Ke wen tau mken kemdaw ni gu laanu là deng gotu meles yó kem hohonu, hol matay yóm tau yó.” Yó gónóm mon, botong sendaw le là mken

Kem Lingón 42:2

Lómón yó se kebelu kóm, Dwata yóm Dwata laen dù tul katayen. Kilón de kógówu ebè Gónóem anì naw e tmaba ebéléem bè yó?

Matyu 4:3

Tódô sut béléen Seitan, ne monen mò du, “Ke tahu uu Ngà Dwata, henbalingem ken kun ni kem botu nii.”

Matyu 26:62

Ne hebkó mdà se yóm geta bè yó kem gel demsù ebè Dwata, monen mò ke Jisas, “Là bnalaem du kô yóm ktifù le kóm ni?”

2 Kurin 1:19

Abay se bè yóm tehe ktolok me lem blóng ye, tlu me Silas ne Timuti, gel tulón me kuy Jisas Krays yóm Ngà Dwata. Yóm Jisas Krays, sok wen monen, sal dnohoen, là bud senfilihen du. Tódô henlelen mò du yóm nóyô Dwata.