Matyu 26:61 - Udél Dwata: Gna Kesfasad ne Lomi Kesfasad

⁶¹ yó kul tifù, mon le, “Gel monen nim tau ni, ‘Gbeku gembà du yóm Gónô Dwata ni, ne gbeku se bud hdà du bè tlu kdaw.’ ”

Matyu 26:61 Referans Kwoze

Matyu 27:40

mon le, “Uu kun tô gembà du yóm Gónô Dwata, ne tek tlu kdawem bud hdà du. Yó ne, lenwaem knóem kun ke tahu uu se yóm Ngà Dwata. Kmóhi elaan dé.”

Mark 15:29

Lemwót yó kem tau gel mius bè yó, sónmò le kmotuk, ne sendekà le Jisas, tey dê udél le sidek ebéléen, mon le, “Éhé, uu kô kun tô gembà yóm Gónô Dwata, ne tek tlu kdawem bud hdà du?

Isaya 53:3

Mom yó kmò me du, henwog me ne kenbê me. Tódô henbalahen yóm tey sidek kehlayam me du. Laen kô dù tau móyô temngel ebéléen, là kô dog kenmón me du. Hol lómón kmò me ebéléen lómón ke tau laen dù muhen.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Kul Nmò 22:22

Tódô le gotu neb yó kem tau hmungol ke Pol efet gmonen yóm khógów Dwata du elem blóng yó kem tau là Ju le. Bè yóm kungol le du yóm yó, tódô le gotu segeng hetê, mon le, “Bê ye htahà klowilen. Hnatay ye dé. Bê ye hlowil tau ke lómónen yó.”

Kul Nmò 18:13

Mon le mò du, “Nim tau ni, gel n-góyen yó kem tau anì hmungol le udél Dwata, okóm là segloloen bè yóm hlau tekuy.”

Kul Nmò 17:18

Wen se yó kem tau gel tmolok bè yóm benwu yó, nit le skuya mon Pol. Yóm kul gel ktolok yó kem tau yó, lemwót bè yó kem tehe tau gnan bélê le boluyen Épikuriyas ne Stuwik. Wen se bélê le mon du, “Tedu alì tulónen yóm tau laen dù tngónen alì móyô mudél yó?” Ne wen se mon du, “Lómón tô wen tólóng dwata lemwót bè benwu mayuk gel tulónen.” Yó gónó le mon du yóm yó, abay se Jisas yóm gel tulón Pol, ne yóm deng klowilen.

Kun Snulat Jan 9:29

Tngón me yóm tehe kudél Dwata ebè Musis ekni, okóm yóm tau yó, là kô tngón me du gónón gu lemwót.”

Kun Snulat Luk 23:2

Yóm deng kkól le bè yó, tódô gotu tulón le yóm kdê tifù le du, yó mon le, “Nim tau ni, deng mom niten lu hetlas yó kem Ju, ne bnekelen yóm gel kbayad me bwis bè yóm tau hol geta bè Rom. Ne yó sotu gel monen nim tau ni, du kun yóm Misaya, sotu tau hol geta.”

Matyu 26:71

Ne bud mógów ebè bak tikeb yóm labat. Ne bud wen sotu ngà libun mton du, ne monen mò yó kem tau bè yó, “Ni se sotu tau gel mung ke Jisas, yóm tau lemwót bè Nasarit.”

Matyu 12:24

Timbow gungol yó kem Farisi nim mon le ni, mom mon le, “Là kô yó du. Kaem Seitan yóm htulus du yó, yakà són du Seitan kul ogot yó kem tulus sidek.”

1 Bok Kem Tau Hol Geta 22:27

Mon ye mò kul, ni udél yóm tau hol geta bélê ye, ‘Bnanggù ye tau ni, béen wen dumu hken ye du olon mambang ne él efet kkólu gu bè sgida ke laen dù hemenu.’ ”

Tekang Kbuten 19:9

Okóm mom yó mon le, “Béem tô henseng mi. Olom tau milo ebè ni kóm. Moen ke tô hnauhem mi? Milud he ksideken yóm nmò me béléem ke tô hensengem mi.” Tódô tulud le Lat yó kem tau yó, kóyô le ke genbà le yóm tikeb bak dólen.

Matyu 26:62

Ne hebkó mdà se yóm geta bè yó kem gel demsù ebè Dwata, monen mò ke Jisas, “Là bnalaem du kô yóm ktifù le kóm ni?”

Matyu 27:5

Tódô gotu legas tudà Judas elem Gónô Dwata yóm filak tehe blay le du, ominen tódô lemwót na a mówól lihol.

Mark 14:58

tehe monen, ‘Angat genbau nim Gónô Dwata deng hdà tau, ne angat tek tlu kdawu bud hemdà du, okóm là hlanu du lem tdok tau.’ ”