Matyu 26:58 - Udél Dwata: Gna Kesfasad ne Lomi Kesfasad

⁵⁸ Bè yóm kwit le ke Jisas, fen holun huli Pitér efet kól bè gónô yóm tau geta yó koni. Ne hlós e talak lósól, ne seyón bè yó kem tau gel mentey bè yó, hnilungen yóm mò kmò le ke Jisas.

Matyu 26:58 Referans Kwoze

Kun Snulat Jan 7:32

Timbow gungol yó kem Farisi yóm kesboyong le gbak ebè Jisas yó kem tey tau wen, omin le stulón bè yó kem tau hol geta bè yó kem gel demsù ebè Dwata, ne hógów le yó kem tau gel mentey bè Gónô Dwata na le e hekfô kul Jisas.

Kun Snulat Jan 18:25

Okóm ke Pitér tolo lelen mnalang. Wen bè yó kem dumu tau mdà bè yó smólók du, monen, “Lómón tô uu yóm sotu bè yó kem gel lemolò du yóm tau kenfô le yóó?” Mon Pitér se, “Là. Sundu ou du.”

Kun Snulat Jan 7:45

Tódô le gotu bud mulék yó kem tau tehe tô kemfô ke Jisas. Snólók le bélê le yó kem Farisi ne yó kem geta bè yó kem gel demsù ebè Dwata, mon le, “Mò ye là mit du du?”

Matyu 5:25

Sotuhen,” mon Jisas, “ke wen tau kmamo kóm, ne tô nwiten u bè yóm gónô skukum, tnanahi mit sefyu béléen gu laanen là deng gefet bè yó. Abay se ke dengi kól bè yó, ngem kà nwiten kóm ebè yóm tau gel fen hemdeng kmukum kuy. Ne lemwót kun, blayen u bè fulis mò bmanggù kóm.

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Kun Snulat Luk 22:54

Kogol yóm kudél Jisas ebélê le, omin le kemfô du, nwit le ebè gónô yóm geta bè yó kem tau gel demsù ebè Dwata. Bè yóm kwit le ke Jisas yó, holun huli du Pitér.

Kun Snulat Jan 19:6

Timbow ton le Jisas yó kem tau hol geta bè yó kem gel demsù ebè Dwata ne yó kem tau gel mentey bè Gónô Dwata, gotu le hetê, mon le, “Htutukem bè kros dé. Htutukem bè kros.” Mon Paylét se, “Ke tnutuk ye bè kros, tódô yu mò du, laen dù dou du. Laen se dù salà tonu béléen ke mò gónóhu hmatay du.”

Kul Nmò 5:22

Tahu se. Timbow le kól ditu yó kem tau tô mangay kul, là kô bud ton le kul lem blanggù yó kem hógów Jisas. Tódô le bud mulék, yó tulón le, mon le,

Kul Nmò 5:26

Ominen bud lemwót yóm kfitan, wen kem tau nalaken mung du, anì na le e bud nangay lu yó kem hógów Jisas yó. Tikóng ton le lu, là se kô gehsidek le kul, abay se likò le yó kem tau hmungol kul, déke sentudà le lu botu.