Matyu 26:55 - Udél Dwata: Gna Kesfasad ne Lomi Kesfasad

⁵⁵ Omin Jisas mudél ebè yó kem tey tau wen kemfô du, monen, “Tey, glok ye mit suk ne bogul nim na ye e kekfô dou ni. Ilóem tô heskél ye ou bè yóm tau gel mò sidek. Igou se gel myón tmolok lem Gónô Dwata ket kdaw, là se kô géhél kenfô ye do.

Matyu 26:55 Referans Kwoze

Kun Snulat Jan 8:2

Timbow deng mwas bè yó, tódô bud mulék ebè Gónô Dwata. Tey tau wen stifun ebéléen, ominen myón nan na tmolok bélê le.

Mark 12:35

Bè yóm igò Jisas tmolok bè Gónô Dwata, wen snólóken bélê le, monen, “Boluy se tô klanen du yóm gel mon yó kem tau tmolok hlau, angat semfu gu bè tehe Dabid yóm Misaya?

Kun Snulat Jan 7:28

Bè yóm ktolok Jisas bè Gónô Dwata, hgelen udélen, monen, “Ilóem ofo kuy kô ke tngón ye ou, duhen ke tngón ye yóm gónóhu gu lemwót? Là kô tódô lenbuu du yóm kógówu edini, wen hógów dou. Yóm hógów dou yó, laen kô dù kéng nô béléen. Là kô na ye e tngón du.

Kun Snulat Jan 7:14

Timbow deng gsóól le ne yóm buteng le mò du yóm ken bong yó, lemwót Jisas na a tmolok bè yóm Gónô Dwata.

Matyu 21:23

Bud mulék ebè Gónô Dwata Jisas. Yóm igoen tolo tmolok bè yó, sut le béléen yó kem geta bè yó kem gel demsù ebè Dwata ne yó kem tuha gónó le gel galak, mon le mò ke Jisas, “Wen kô kwalisem mò du ni kem deng nmoem bè ni? Tau du se bemlay kóm kwalis mò du?”

Matyu 26:47

Igò Jisas tolo mudél, gdofì bè yó se Judas, yóm sotu bè yó kem sfolò lewu gel lemolò du. Tey tau wen huli du. Wen se lemumak sudeng bélê le, ne wen se kmulóng bogul. Lu se yó kem tau hógów yó kem geta gel demsù ebè Dwata ne yó kem tuha gónó le gel galak yó kem Ju.

Mark 10:1

Bud lemwót Jisas bè yó, mlan elem yóm prubinsya Judiya, ne mifal yóm él Jurdan. Timbow kól fi fatu, ya tey tau tendo sbung ebéléen, ne gel tmolok bélê le snéen, lómón se yóm gel nmoen.

Kun Snulat Luk 4:20

Tikóng deng kesfala Jisas du, bud lenulunen, ne oguhen yóm tau tehe mogu du ebéléen. Ominen myón na a tmolok kul. Tódô le gteg yó kem tau sbung bè yó.

Kun Snulat Luk 19:47

Kewóten bè yó ne, ket kdaw Jisas gel tmolok lem yóm Gónô Dwata. Ne ya tey kesefebut le du yó kem geta bè yó kem gel demsù ebè Dwata, dalang se yó kem tau tmolok hlau, kkólen bè yó kem dumu tau gónó le gel galak yó kem Ju. Hol kóyô le ke hnatay le Jisas.

Kun Snulat Luk 20:1

Bud sotu kdaw bè yó, tolo lel Jisas tmolok bè yó kem tau lem yóm Gónô Dwata, hetngónen kul yóm Tulón Hyu lemwót bè Dwata. Gotu le sut béléen yó kem geta bè yó kem gel demsù ebè Dwata, ne yó kem gel tmolok hlau kkólen bè yó kem tuha gónó le gel galak yó kem Ju.

Kun Snulat Jan 8:20

Ni se udél Jisas bè yóm ktoloken bè Gónô Dwata igoen myón bè yóm dfél gónóhen nô yó kem kahun gónó le gel hemsù filak mò blay le ebè Dwata. Laen kô dù tau kemfô du, abay se là dengen kól du he yóm kdaw Dwata hemlus du.