Matyu 26:53 - Udél Dwata: Gna Kesfasad ne Lomi Kesfasad

⁵³ Ilóem là tngónem du kô yóm kegbeku mni tóbóng bè Mà, ne tódô kendel hógówen balù hilu libu yó kem gel hógówen gu bè longit mò tmóbóng do.

Matyu 26:53 Referans Kwoze

Matyu 4:11

Tahu se, tódô tnagak Seitan Jisas, ne sen-gengen se wen hógów Dwata gu bè longit gdek bè yó mò tmóbóng du.

2 Bok Kem Tau Hol Geta 6:17

Omin Ilaysa mni bè Dwata, monen, “Ó Dwata, hol htonem bè yóm tau tóbóng lówóhu yó kem mofin kum.” Tahu se, hton Dwata du, ne tódô tonen se yó kem bulul hmilol kul deng tódô tfeng kudà ne klitun tók hono ofi.

Kun Snulat Luk 8:30

Yó ne snólók Jisas yóm busaw malak du yóm tau yó, monen, “Tedu de boluyem?” Bnalaen se, monen, “Yó boluyu Genged.” Yó gónón mon du yóm yó, abay se tey genged busaw malak du yóm tau yó.

Danyél 7:10

Wen ofi tendo mlel bè soluhen lómón klel él. Botong hilu katihen yó kem gel hógówen nô bè yó ne là gsóhem du katihen yó kem tau mdà bè soluhen. Nbuten bè yó kmukum ne lennal le bè yó se yó kem bok.

Sulat Jud 1:14

Tehe yu ekni, wen sotu tugod Dwata boluyen Inuk. Nim Inuk ni, hanà tek nem lugod he kewóten bè Adam. Wen tehe htugod Dwata du ekni gbak ebè yó kem tau sekban ktolok le yó, yó monen, “Ngem kól yóm gónó tekuy mogot ne mung du yó kem hilu libu hógówen gu bè longit.

2 Tisalunika 1:7

ne kóhen ta ye yóm gel keglayam ye, dalang se yóm kum gel keglayam. Yó he kmò Dwata du nim ni sok kól yóm gónó tekuy mogot Jisas gu bè longit, mung du yó kem gel hógówen alì mfasang.

Matyu 25:31

“Kesok bud kól yóm Ngà Tau mò mogot klamangen,” mon Jisas, “tódô kdéen hógów Dwata gu bè longit gotu semguyun du, ne angat myón bè yóm gónón myón kmukum.

Mark 5:9

Ne snólók Jisas yóm busaw, monen, “Tedu de boluyem?” Bnalaen se, monen, “Yó dou boluy ‘Genged’ abay se tey me wen.”

Mark 5:15

Timbow le gdofì bè Jisas, tódô ton le se yóm tau tehe genged busaw malak du myón klohok Jisas. Deng bud lemsek nes, ne deng bud hyu kehedemen. Ya tey sidek klikò le yó kem tau sguku ebè yó yó.

Kun Snulat Jan 10:18

Laen kô dù tau gembek ma du yóm dou klowil. Tódô lemwót bè dou kóyô hamà du. Wen kwalisu hamà du ne wen se kwalisu bud ma du snéen. Ni se yóm deng hmò Mà dou.”

Kun Snulat Jan 18:36

Bnalà Jisas se, monen, “Yóm benwu dou nogot, sundu benwu te tonok du. Ke ni se yóm dou benwu nogot, nofin le o yó kem tau nogotu anì là kenfô le do yó kem Ju wen glal le yó. Là kô na a ni du yóm benwu dou nogot.”