Matyu 26:51 - Udél Dwata: Gna Kesfasad ne Lomi Kesfasad

⁵¹ Sotu bè yó kem gel lemolò ke Jisas kendel kemtos dmilot sudeng, tódô tnibóhen yóm sotu tau, okóm olon sfak doli klinguhen yóm tau tnibóhen yó. Yóm tau hnalì ni, du sotu tau gel dók yóm geta bè yó kem tau gel demsù ebè Dwata.

Matyu 26:51 Referans Kwoze

2 Kurin 10:4

Yóm ngom sfatay nwit me se kum, là kóen lemwót bè kgis tau te tonok. Okóm tódô lemwót bè kun kfasang Dwata, yó gónó me mseng du yóm kul ktolok. Bè yóm gel kwit le kum skaf mon, botong là bud gbek le malà kum.

Kun Snulat Jan 18:36

Bnalà Jisas se, monen, “Yóm benwu dou nogot, sundu benwu te tonok du. Ke ni se yóm dou benwu nogot, nofin le o yó kem tau nogotu anì là kenfô le do yó kem Ju wen glal le yó. Là kô na a ni du yóm benwu dou nogot.”

Mark 14:47

Sotu bè yó kem gel lemolò ke Jisas kendel kemtos dmilot sudeng, tódô tô tnibóhen yóm sotu tau gel dók yóm hol geta bè yó kem gel demsù ebè Dwata, okóm olon sfak doli klinguhen yóm tau tnibóhen yó.

Matyu 26:35

Mon Pitér se, “Baluen he ke munge matay béléem, Sér, là kô naw e hnalà kóm dou.” Tódô senged se udél yó kem dumu gel lemolò ke Jisas.

Kun Snulat Luk 9:55

Mom beklil ebélê le Jisas, ne bnólówen lu.