Matyu 26:49 - Udél Dwata: Gna Kesfasad ne Lomi Kesfasad

⁴⁹ Timbow gdek Judas, tódô hekteng ebè Jisas, monen, “Na Sér,” ne ominen melek du.

Matyu 26:49 Referans Kwoze

1 Tisalunika 5:26

Sok ye gel stifun yóm kdê ye hemtahu dyó, hol ye gel sfódó.

Matyu 26:25

Mudél se Judas, yóm mlay du sumóng, monen, “Ou kô, Sér, gónón e gbak yóm monem yó?” Bnalà Jisas se, monen, “Yó sem deng monem yó.”

Kun Snulat Jan 19:3

Hloni le ebéléen, ne mon le, “Ni sii yóm tau hol geta bè yó kem Ju. Yake hol tahà klowilen.” Lel le temfê lem uyóhen.

Kun Snulat Luk 7:45

Là kô dog nelekem do yóm kotunu béléem, igoen yó sana kut gel kesfódó. Là kun nim libun nii, tódô mung bè khuseku, là kô dog kóhen du keleken tihu.

Mark 15:18

Ne mon le mò du, “Ni sii yóm tau hol geta bè yó kem Ju. Yake hol tahà klowilen.”

Kem Udél Hlalak Tehe Selumun 27:6

Mom hyu bè yóm tau ke ween semtódô du abay se gsaligen olo ke hohonen hmingón mit du swè abay se olohen smukat du.

2 Samwél 20:9

Yó monen mò ke Amasa, “Kmoen se kóm du, Wè?” Ne nogoten bngeten, ogoten du sigel kwananen mone hlingón tô neleken.

1 Samwél 10:1

Omin Samwél ma yóm ngà sobuy gónón nô hnolo ulib ne twélen ta kulu Sol, henmung neleken ne monen, “Yó gónów mò du béléem nim ni abay se deng nélék Dwata uu mò malak yó kem tauhen Israél. Uu se mò lemwà kul lem tdok yó kem hohon le menwu hmilol kul. Wen ilô tonem kedeng mò gónóm temngón du yóm deng kélék Dwata kóm mò malak yó kem tauhen.

Tekang Kbuten 27:26

Ne yó bud mon maen mò du, “Hlonihi dou edini, ngà, nelekem ou.”

Matyu 23:7

Dalang se ke mógów le ebè fedyan, kóyô le ke hol nadat tau lu ne ke tnaba le lu ‘Tau tmolok.’

Matyu 23:8

Okóm kuy du,” mon Jisas, “hol bê ye abay móyô ke tnaba le yu ‘Tau tmolok.’ Kaem gotu ye setwoli yóm kdê ye, ne tek sotu yóm tmolok kuy.

Matyu 26:48

Deng eles tulón Judas yó kem tau mung du, monen, “Yó se tau neleku kdeng, yó se yóm tau hnebel ye. Tódô kenfô ye.”

Kun Snulat Jan 4:31

Bè yóm igoen tolo mógów yóm libun yó koni, tô henken le Jisas yó kem gel lemolò du, mon le, “Ó Sér, mkeni dé.”