Matyu 26:45 - Udél Dwata: Gna Kesfasad ne Lomi Kesfasad

⁴⁵ Ne bud mulék ebélê le, ne monen mò kul, “Tolo lel ye he kô tungô ne hegnô? Ngem deng kól du ne yóm uras le kemfô du yóm Ngà Tau, ne blay le elem tdok yó kem tau sidek nmò le.

Matyu 26:45 Referans Kwoze

Kun Snulat Jan 13:1

Tek sendaw ne dù kehtohen yóm mò ken bè yóm Kdaw Khius. Tódô tngón Jisas yóm móyón ktebelen yóm benwu ni, ne bud mulék ebè Maen. Tey tendo gel kbong nawahen kul yó kem tau gel lemolò du, ne là kóen monol nawahen ebélê le efet kól bè yóm ktagaken kul.

Kun Snulat Jan 17:1

Timbow deng kudél Jisas, ominen temngel ebè longit, monen, “Ó Mà, deng dohò ne yóm kdaw tehe oluhem etahu. Hol dóyónem yóm kóm Ngà anì bud dóyónen se uu kun.

Kun Snulat Jan 12:27

Bud mon Jisas, “Nim kmoen ni, tey sidek kegnómu du. Okóm là kô gbeku mon du mò ke Mà, ‘Ó Mà, kóhem tahu yóm angat tey gbunuu ni.’ Abay se ni se hol nógówu edini anì naw e heglayam.

Kun Snulat Luk 22:53

Igò sem ket kdawu du nô lem blóng ye lem yóm Gónô Dwata. Mò ye là tnana kemfô do ditu du? Okóm deng hto ne yóm kuy uras mò du nim nmò ye ni. Ni se kun kdaw Seitan, yóm fen mogot yóm gónón kmifu.”

Matyu 26:18

Ne mon Jisas se mò kul, “Mógów ye ebè yóm sotu tau bè syudad Jirusalim, mon ye mò du, ‘Ni se tinoken ebéléem yóm tau gónó tekuy gel htolok, monen, Deng hto ne yóm buteng tehe olu Dwata do. Nmou bè gónóem yóm mò ken bè Kdaw Khius, mung do yó kem gel lemolò do.’ ”

Matyu 26:2

“Deng tngón ye lewu ni he kehtohen yóm mò ken bong bélê tekuy bè Kdaw Khius. Segeng du yóm angat keblay le yóm Ngà Tau elem tdok yó kem tau angat tmutuk du bè kros.”

1 Bok Kem Tau Hol Geta 18:27

Timbow deng talak kemdaw, tey kkuli Ilaydya kul, monen, “Hol hgel ye dé ktaba ye, abay se dwata se kun. Là tngónem du, déke tolo tey wen hendemen duhen ke tolo mebel solu. Déke tolo mógów, duhen ke tolo tungô, ne hyu ke bentik ye.”

Kehedem Tau Tmolok 11:9

Ó ngà logi lomi lemnok, holi hligal bè yóm igoem hanà tolo lomi tau. Hol hnigalem yóm klowilem ket kdaw. Nmoem yóm kóm kóyô, ne hotuhem gelem mò du yóm kdéen. Okóm hol béem abay klifót, angat snolò Dwata béléem kdê yó kem deng nmoem.

Matyu 26:44

Ne ominen bud tmagak kul na e mni bè getluhen dulék, tódô nuliten yóm gna kmò knihen.

Matyu 26:46

Ngem yó dé yóm tau mlay do sumóng. Btik ye ne, na tekuy e senlong.”

Mark 14:35

Ominen mógów hlayuk udì, ne tódô gefen bè tonok, ne mni bè Dwata. Hnihen ke wen lan Dwata hkó du béléen yóm nô tahen, monen mò ke Dwata,

Kun Snulat Jan 12:23

Ne mom yó balà Jisas kul, monen, “Móyónen hto ne yóm kehegfan Dwata du yóm tey kegetahen yóm Ngà Tau.