Matyu 26:40 - Udél Dwata: Gna Kesfasad ne Lomi Kesfasad

⁴⁰ Timbow deng knihen, ominen mulék ebè yó kem tlu tau nwiten, deng le mom gotu henga tungô. Gotu bentiken lu, ne monen mò ke Pitér, “Là gbek ye mingat kô, balù tek sotu uras?

Matyu 26:40 Referans Kwoze

Mark 14:37

Timbow deng knihen, ominen bud mulék ebè yó kem tlu tau nwiten, deng le mom gotu henga tungô. Gotu bentiken lu, ne monen mò ke Pitér, “Ó Simun, dengi tungô kô? Là gbek ye hbala là tungô, balù tek sotu uras?”

Kun Snulat Luk 22:45

Tikóng hebkó mdà Jisas bè yóm gónóhen mni, bud mulék ebè yó kem gel lemolò du. Deng le mom gotu henga tungô lemwót bè yóm alì kegbeng lem le.

Matyu 26:43

Ominen bud mulék ebè yó kem tlu tau niten, deng le mom bud henga tungô, là kô dog gukat le du mata le.

Kun Snulat Luk 9:32

Okóm ke Pitér ne yó kem dumuhen, deng le mom gotu henga tungô. Tikóng le dmemen, tódô ton le yóm tey sminang gu bè Jisas ne yó kem lewu tau sedà du.

Matyu 26:35

Mon Pitér se, “Baluen he ke munge matay béléem, Sér, là kô naw e hnalà kóm dou.” Tódô senged se udél yó kem dumu gel lemolò ke Jisas.

Matyu 26:38

Monen mò kul, “Tey sidek gnóm yóm gleket béléu ni, là hol tô gbeku hembala du. Nô ye bè ni ne kuy, ne eles ye mingat.”

Matyu 25:5

Lemwót yóm logi myehen, wen gónóhen ganggà, là géhélen kól. Yó gónóm mon, deng mom moo ktuk yóm sfolò kem libun, gotu le gtungô.

Matyu 26:41

Bê ye tagad tungô dé. Hol ye mni bè Dwata anì là wen gónó ye gsindil bè Seitan. Tngónu wen se óyô ye mò du yóm monu mò kuy ni, okóm là gbek lówó ye du.”