Matyu 26:39 - Udél Dwata: Gna Kesfasad ne Lomi Kesfasad

³⁹ Ominen mógów hlayuk udì, ne tódô hegluduk lemfen bè tonok, ne mni bè Dwata, monen, “Ó Mà, ke yó dum gmò, kóhem tahu dé yóm angat tey hlayamu ni. Okóm balù wen se yóm dou kóyô, tódô hendengem yóm kóm kóyô béléu.”

Matyu 26:39 Referans Kwoze

Kun Snulat Jan 6:38

Là kô yó du lewótu gu bè longit ke naw e nmò yóm dou knóyô. Okóm yó hol dou nógów anì nmou yóm kun kóyô yóm hógów dou.

Flipay 2:8

Bè yóm kbalingen tau, tey keheglaanen knóen, ne laen kô gónón là mimón ke Dwata efet kól bè katayen, balù yóm le tehe khatay le du bè kros.

Matyu 26:42

Bud kewót Jisas bè yó bè gewuhen dulék, ne bud mni bè Dwata. Yó utóm yóm knihen, monen, “Ó Mà, ke là se hyu mkó du béléu yóm angat tey hlayamu ni, tódô henlósem sen yóm kóm kóyô.”

Hibru 5:7

Bè yóm tolo knô Jisas te tonok ekni, tey khotuhen nawahen gel mni bè Dwata, mung du yóm tey kkiken ne yóm gel kosok lewoken, abay se gbek Dwata lemwà du bè yóm katayen. Lemwót bè yóm keheglaanen bè Dwata ne yóm hol óyóen mimón du, hnungol Dwata yóm knihen ebéléen.

Kun Snulat Jan 5:30

Ne bud mon Jisas mò kul, “Ke tek són ou, laen kô gmou. Bè yóm angat kkukumu tau, tódô nmou yóm deng gungolu gu bè Mà, yó se gónón tedeng yóm kkukumu. Là kô tódô nmou du yóm dou kóyô, són olo nmou yóm kun kóyô yóm hógów do.

Kun Snulat Jan 14:31

Okóm nim nmou ni, tódô nmou yóm kóyô Mà béléu anì tngón kdéen tau lem benwu yóm kbong nawahu du. Yó ne,” monen, “lemwót tekuy ne.”

Kun Snulat Jan 18:11

Okóm mon Jisas mò ke Pitér, monen, “Tenesem lem lumaken sudengem. Ilóem kmonem ke là gbeku hembala du nim hlayam hlan Mà tahu ni?”

Kun Snulat Jan 11:41

Tahu se, kó le yóm botu seng bè bak lebeng. Omin Jisas temngel eta bè longit, ne monen, “Koduhem, Mà, yóm gel khungolem do.

Matyu 20:22

Bnalà Jisas se, bede mudél ebè yó kem lewu ngaen, monen, “Là kô tngón ye du yóm hni ye yó. Gbek ye hembala du kô ke yu gemfà du yóm angat glumfaku?” Mon le se, “Gbek me.”

Lista 16:22

Okóm tódô le lemfen bè tonok le Musis ne Aron ne yó mon Musis mò ke Dwata, “Ó Dwata, uu se hlowil yóm kdéen mowil. Ke olohen tek sotu tau yóm mò sidek gotu homong lenbutem kô yóm kdéen tau?”

Matyu 24:24

Abay se angat wen yó kem Misaya kéng sut, ne wen yó kem tau lembù tmugod ke Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Isikél 1:28

Yóm gu hilolen lómón ke wen léwés mnóng du, hol lómón yóm léwés gel gfan gu lem lobun ke kmulón. Yó se kmoen yóm klóón Dwata hono sminang deng hegfan béléu. Bè yóm ktonu du, botonge gefen bè tonok ne ominu mungol yóm mudél ebéléu.

2 Samwél 15:26

Okóm ke mon Dwata mò do, ‘Laen dù gónóhu hligal béléem.’ Ke yó udélen, ni se ou, tódô nmoen béléu yóm hyu béléen.”

Lista 14:5

Lemwót le Musis lewu le Aron tódô le lemfen bè tonok bè solu yó kem tau mni le bè Dwata.

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

1 Tutul Israél 21:16

Temngel eta Dabid, ne tonen yóm hógów Dwata gu bè longit tódô mdà bè gónón sóól tonok ne longit. Wen sudeng ayayen eta Jirusalim. Yó nmò Dabid ne yó kem dumu tau gel malak yó kem tau Israél, lemsek le nes sakù mò gónó le hegfan yóm deng kebà nawa le, omin le lemfen bè tonok.

Tekang Kbuten 17:3

Tódô hegdufok ebè tonok Abram.

Kul Nmò 10:25

Tikóng gdek Pitér, ominen semlong du, ne tódô hegdungul bè tihen.

Kun Snulat Luk 17:16

Tódô na a hegluduk klohok ti Jisas, ne tey kdóyónen du. Nim tau ni, là Juhen, tau lemwót bè Samarya.

Mark 13:22

Abay se angat wen sut tô hlingu bè yóm Misaya, ne tô le hlingu bè yó kem tugod Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Isaya 50:5

Deng benlay Dwata ou khulung hedem. Là kóen deng wen gónóhu là mimón ke Dwata, duhen ke deng wen gónóhu kmogol du.

Isaya 53:12

Duhen yó, mon Dwata, angat tey kehegetahu du lem blóng yó kem tau alì tótól ne alì mfasang. Là kô nalihen du klowilen, deng gnómen yóm kul kegtafak yó kem tau mò sidek. Yóm katayen yó mò leyu lówó yóm kdéen tau gemsalà, lelen mni béléu anì hnifótu bélê le yó kem salà le.”

Kun Snulat Jan 5:19

Bud mon Jisas mò kul, “Tódô tulónu kuy ktahuhen, laen kô gmoen yóm Ngà ke són du, ke là wen Maen. Yó se gel tonen nmò Maen, yó se kun nmò yóm Ngà.