Matyu 26:34 - Udél Dwata: Gna Kesfasad ne Lomi Kesfasad

³⁴ Bnalà Jisas se, monen, “Tódô tulónu kóm ktahuhen, Pitér, gu laanen là deng kmóót onuk kifu ni kedeng, deng sana tlu dulékem hmalà yóm ketngónem dou.”

Matyu 26:34 Referans Kwoze

Kun Snulat Jan 13:38

Bud bnalà Jisas Pitér, monen, “Tahu kô tô hamaem béléu kóm klowil? Tódô tulónu kóm ktahuhen, Pitér, gu laanen là deng kmóót onuk kifu ni, deng sana tlu dulékem ne hmalà yóm ketngónem do.”

Kun Snulat Luk 22:34

Ne bnalà Jisas Pitér, monen, “Tódô tulónu kóm ktahuhen, Pitér. Gu laanen là deng kmóót onuk kifu ni kdeng, deng sana tlu dulékem ne hmalà yóm ketngónem dou.”

Matyu 26:75

Ominen yó gbel bè nawa Pitér yóm deng tehe eles mon Jisas mò du, yóm monen, “Gu laanen là deng kmóót onuk kifu ni kdeng, deng sana tlu dulékem hmalà yóm ketngónem dou.” Unihen gbel bè nawahen yóm tehe mon Jisas mò du, tódô hewà, ya tey sidek kkiken.

Matyu 26:33

Hebkó mudél se ke Pitér kun, monen, “Baluen se ke gotu sentagak le uu yó kem dumuhu, Sér, là kô naw e tnagak kóm dou.”

Mark 14:72

Ne tódô sen-gengen se kmóót onuk bè gewuhen dulék. Ominen yó gtulón bè nawa Pitér se yóm deng tehe eles mon Jisas mò du, yóm kmonen du, “Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem do.” Unihen gbel bè nawahen yóm tehe kmon Jisas mò du yó, ya tey kkiken.

Kun Snulat Luk 22:61

Omin Jisas beklil temngel ebè Pitér. Yó he kegbelen bè nawa Pitér yóm tehe mon Jisas mò du, yóm monen, “Gu laanen là deng kmóót onuk kifu ni kdeng, deng sana tlu dulékem hmalà yóm ketngónem dou.”