Matyu 26:33 - Udél Dwata: Gna Kesfasad ne Lomi Kesfasad

³³ Hebkó mudél se ke Pitér kun, monen, “Baluen se ke gotu sentagak le uu yó kem dumuhu, Sér, là kô naw e tnagak kóm dou.”

Matyu 26:33 Referans Kwoze

Kun Snulat Luk 22:33

Bnalà Pitér se, monen, “Baluen he ke bnanggui, Sér, senged nóm ke matayi, là kô naw e tebel kóm.”

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

Mark 14:29

Hebkó se Pitér, monen, “Baluen he ke gotu sentagak le uu ni kem dumuhu, Sér, là gmou du dou.”

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Kem Udél Hlalak Tehe Selumun 20:6

Tey dê tau smalù du yóm kul kogot nawa, okóm olon mtukul gónó mton du yóm tau gsalig.

Kem Lingón 17:5

Tendo lolou yóm kóm lan. Là kóe tlokob bè yóm klolou kóm.

Kun Snulat Jan 21:15

Timbow deng kken le, mon Jisas mò ke Simun Pitér, monen, “Ó Simun, ngà Jan, bong nawahem do kô senta kul kbong nawa dou ni kem dumuhem ni?” Mon Simun se, “El, Sér, tngónem se yóm kbong nawahu kóm.” Bud mon Jisas se, “Sen-gyokem dou sen yó kem ngà ubihahu.”

Matyu 26:32

Okóm,” mon Jisas, “sok deng bud hlowil Dwata ou, angate fen gna bélê ye etu bè Galili.”

Matyu 26:34

Bnalà Jisas se, monen, “Tódô tulónu kóm ktahuhen, Pitér, gu laanen là deng kmóót onuk kifu ni kedeng, deng sana tlu dulékem hmalà yóm ketngónem dou.”