Matyu 26:31 - Udél Dwata: Gna Kesfasad ne Lomi Kesfasad

³¹ Bè yóm tolo lel le mógów, mon Jisas mò yó kem gel lemolò du, “Kifu ni kdeng tódô gotu sentagak ye ou, yakà deng monen du bè yóm Sulat Dwata, yó monen, ‘Angat hfatay Dwata yóm tau semgyok ubiha, ne tódô gotu sekla yó kem ubihahen.’

Matyu 26:31 Referans Kwoze

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Kun Snulat Jan 16:32

Ngem, angat wen kdawen, ne kbuten du ni ne, gotu kesekla ye, ket tau mulék ebè kun gónô. Angat tódô sentagak ye o tek sotuhu. Okóm là tek sotuhu du, Mà se dumuhu.

Kem Lingón 69:20

Deng tey sidek kebà nawahu lemwót bè yóm tey kehnê le dou. Tey deng sidek ne kegnómu du. Ofol dou ke wen tau kmodu dou mò hemyu nawahu, okóm là, balù sotu.

Kem Lingón 38:11

Kem weu ne yó kem dumuhu, gotu le hlayuk béléu, kenhisik le yóm desu. Balù yó hem hol dou fes lówó, sana kehlayuk le béléu.

Matyu 11:6

Hligal kun yóm tau ke là megewu nawahen do.”

Isaya 53:10

Yó udél yóm Dwata hol gónó mogot, monen, “Tódô lemwót bè dou kóyô yóm keglayamen yó. Yóm katayen, yó se yóm hol dsù mò lanu hmifót salà. Kogol yóm katayen yó, angat tonen yó kem semfu gu béléen, duhen yó kem hemtahu du ne angat tahà klowilen. Ne mlan béléen gónón dohò yóm dou atul.

Kem Lingón 88:18

Deng gotu hlayukem béléu yó kem dumuhu swè ne yó kem tau kenbong nawahu. Hono kifu yóm tebel béléu.

Matyu 26:56

Okóm nim nmò ye béléu ni, deng gónón dohò yóm tehe hsulat Dwata yó kem gna tugoden.” Bè yóm kekfô le ke Jisas yó, deng mom gotu sentagak yó kem gel lemolò du, mlóy le.

Matyu 26:24

Yóm Ngà Tau nan na matay he,” mon Jisas, “lómón yóm deng tehe eles tulónen bè Sulat Dwata. Bede tey angat kegtafaken yóm tau bemlay sumóng. Mom tumù ne ke béen dog tehe tau.”