Matyu 26:3 - Udél Dwata: Gna Kesfasad ne Lomi Kesfasad

³ Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Matyu 26:3 Referans Kwoze

Kun Snulat Jan 18:24

Timbow deng ksólók Anas ke Jisas, ominen hemwit du igoen tolo nfét ebè Kyafas, yóm hol geta bè yó kem gel demsù ebè Dwata.

Mark 14:54

Bè yóm kwit le ke Jisas, fen holun huli ke Pitér kun, tódô hlós ete klósól yóm tau hol geta bè yó kem gel demsù ebè Dwata. Ne seyón bè yó kem tau gel mentey bè yó, gbót mnalang bélê le.

Kun Snulat Jan 18:28

Hol mwas bè yó se, nit le Jisas lemwót bè gónô Kyafas mógów le ebè gónô bong yóm gubérnor. Okóm kul yó kem Ju wen glalen yó, là hyuhen bè kul hlau ke husek le bè gónô yóm tau là Juhen. Ke yó tô nmò le, là bud le mólós kun, ne là kô le gemken bè yóm mò ken le bè Kdaw Khius.

Kun Snulat Jan 11:57

Yó gónó le mon du yóm yó, abay se deng ssotu ne atul yó kem geta bè yó kem gel demsù ebè Dwata ne yó kem Farisi. Eles heglalag le ke wen mton du mò ke Jisas, hol tulón le kul anì kenfô le.

Jirimaya 17:27

Okóm, mon Dwata, ke là nimón ye do ne ke là hetfing ye du ebéléu yóm Kdaw Kehegnô ne ke mit ye hbalù mlan bè yó kem bak tikeb bè Jirusalim lómón yóm gel nmò ye bè yó kem dumu kdaw, angat gotu ntemu yó kem bak tikeb bè Jirusalim. Yóm ofi yó, ngangen mken efet kól bè gónô bong yóm tau hol geta mogot kuy ne laen kô dù gembek hmatay du.’ ”

Kem Lingón 56:6

Gel le stifun bè yóm gónón gebnos, tendo tenngel le yóm kdê nmou, sen-galu le ke hnatay le ou.

Kun Snulat Luk 3:2

Ne bè Jirusalim, wen lewu tau hol geta bè yó kem tau gel demsù ebè Dwata, boluy le Anas ne Kyafas. Bong ke Jan kun, yóm ngà Sekariya, tódô nô bè yóm benwu laen dù tau menwu du. Ne bè yóm kdaw yó, wen udél Dwata ebéléen.

Matyu 26:69

Sana tolo kyón Pitér talak lósól he kun. Ne mógów ebéléen sotu bè yó kem ngà libun gel dók yóm tau geta bè yó kem gel demsù ebè Dwata, monen mò ke Pitér, “Kaem uu se sotu tau gel mung ke Jisas, yóm tau lemwót bè Galili.”

Matyu 27:27

Lemwót yó kem sendalù Paylét, nwit le Jisas elem yóm gónô bong yóm gubérnor, ne gotu le sbung ebè yó se kul yó kem dumu sendalù bè yóm kul bung.

Mark 14:66

Sana tolo kyón Pitér te klósól he kun. Ne mlan bè yó yóm sotu bè yó kem ngà libun gel dók yóm hol geta bè yó kem gel demsù ebè Dwata.

Mark 15:16

Lemwót yó kem sendalù, nwit le Jisas ete klósól yóm gónô bong yóm gubérnor, ne gotu tnaba le yó kem dumu le sendalù bè yóm kul bung.

Kun Snulat Luk 22:55

Tikóng le kól ebè yóm gónô gónó le e mit ke Jisas, wen ofi deng hbong le talak lósól yó kem tau mò gónó le mnalang, ne gbót myón lem blóng le Pitér.