Matyu 26:16 - Udél Dwata: Gna Kesfasad ne Lomi Kesfasad

¹⁶ Tódô lenwóten bè yó ne, sónmò Judas mebel lanen malak kul ebè Jisas.

Matyu 26:16 Referans Kwoze

Mark 14:11

Ya tey ktimu óyô le bè yóm kungol le du, glok le fmasad du filak mò ofolen. Kewóten bè yó ne, sónmò Judas mebel lanen anì gekfô le Jisas.

Kun Snulat Luk 22:6

Ne móyô se ke Judas kun. Kewóten bè yó ne, sónmoen mebel lanen anì gekfô le Jisas, okóm ten-gwaen se yóm là kton le du yó kem dumu tau.

Matyu 26:15

Yó snólóken bélê le, monen, “Hilu de blay ye do ke ou fen malak kuy ebè Jisas?” Deng mom yó nmò le, tódô nsó le béléen tlu folò botù yóm kul filak mgel.

Matyu 26:17

Timbow hto yóm tanay kdawen bè yóm mò ken bè yóm gel kken yóm mambang laen dù bulung henoken, mógów le ebè Jisas yó kem gel lemolò du, snólók le béléen, mon le, “Gónóm tô hmò du kum de yóm ken tekuy bè nim mò ken bè Kdaw Khius ni?”

Kul Nmò 24:25

Bè yóm igò Pol mudél, wen gtóngen bè yóm kebtol nawa, ne bè yóm khulung mafas nawa, ne yóm angat kehdà Dwata kdéen tau bè soluhen. Botong likò Filik bè yóm kungolen du, tódô tenfloken kudél Pol, monen, “Nan geblà yó he. Tódô bud tinoku uu he ke wen urasu.”

1 Kurin 16:12

Bong ke Apulus kun, yóm sotu dumu tekuy hemtahu, tey tô kubugu du anì mauy bélê ye dyó. Kóyóu ke tô mung bè yó kem dumu tekuy hemtahu gel mauy dyó, okóm tolo là maan nawahen mò du he. Wen kdawen he kun angat mauy kuy.