Matyu 26:14 - Udél Dwata: Gna Kesfasad ne Lomi Kesfasad

¹⁴ Kogolen bè yó, lemwót Judas Iskariyut, sotu bè yó kem sfolò lewu gel lemolò ke Jisas, tódô mógów etu bè tu kem geta bè yó kem gel demsù ebè Dwata.

Matyu 26:14 Referans Kwoze

Matyu 10:4

ne yóm sotu Simun yóm tau tehe mung mofin yóm kul benwu, ne Judas Iskariyut yóm tau fen bemlay sumóng ke Jisas.

Kul Nmò 1:16

Mdà Pitér lem blóng le, ne monen mò kul, “Ó kem dumuhu setwoli, wen udél tehe eles htugod Dwata ke Dabid ekni, hlanen bè yóm Tulusen. Yóm udél Dwata yó, deng dohò eta Judas ne, yóm tau fen malak yó kem tau kemfô ke Jisas.

Kun Snulat Jan 13:30

Timbow ken Judas yóm mambang ogu Jisas du, ominen yó hewà. Bede deng tey mget ne kifu.

Kun Snulat Jan 13:2

Timbow kifu bè yó, gotu le seyón ke Jisas mken yó kem gel lemolò du. Deng sana hnô Seitan lem hendem Judas yóm angat keblayen ke Jisas sumóng ebè yó kem hmohon du. Nim Judas ni, du se ngà Simun Iskariyut,

Matyu 27:3

Timbow ton Judas, yóm tau tehe mlay ke Jisas sumóng, yóm deng kegtuled Jisas, ya tey khuli selen. Ominen bud tô hulék yóm tlu folò botù filak mgel tehe blay le du yó kem geta bè yó kem gel demsù ebè Dwata, ne yó kem tuha gónó le gel galak yó kem Ju.

Matyu 26:47

Igò Jisas tolo mudél, gdofì bè yó se Judas, yóm sotu bè yó kem sfolò lewu gel lemolò du. Tey tau wen huli du. Wen se lemumak sudeng bélê le, ne wen se kmulóng bogul. Lu se yó kem tau hógów yó kem geta gel demsù ebè Dwata ne yó kem tuha gónó le gel galak yó kem Ju.

Kun Snulat Jan 18:2

Okóm ke Judas, yóm tau mlay ke Jisas sumóng, deng eles tngónen yóm gónó le nô yó, abay se deng dê dulék Jisas gel semtifun yó kem gel lemolò du bè yó.

Matyu 26:25

Mudél se Judas, yóm mlay du sumóng, monen, “Ou kô, Sér, gónón e gbak yóm monem yó?” Bnalà Jisas se, monen, “Yó sem deng monem yó.”

Kun Snulat Jan 12:4

Ne mudél se Judas Iskariyut, yóm sotu bè yó kem gel lemolò ke Jisas, yóm tau mlay du sumóng.

Kun Snulat Jan 13:26

Mon Jisas se, “Yó sem tau gónóhu e mogu yóm mambang deng duu lem sóbów ni kedeng, yó se yóm tau monu yó koni.” Ne nwa Jisas se yóm mambang, ne duen elem sóbów, ominen mogu du ke Judas, yóm ngà Simun Iskariyut.

Kul Nmò 1:18

(Wen filak blay le ke Judas mò sukéyen bè yóm sidek nmoen yó. Ne lemwót yóm filak blay le du yó, hlós blihen tonok. Yó se yóm tonok gónón matay, ne tódô gotu msut tnahihen lanen hebtang.