Matyu 26:10 - Udél Dwata: Gna Kesfasad ne Lomi Kesfasad

¹⁰ Hyu gungol Jisas yóm udél le, yó gónón mon du mò kul, “Moen de ke bnólów ye kun nmò nim libun nii? Igoen tey minggel yóm nmoen béléu ni.

Matyu 26:10 Referans Kwoze

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

Taytus 3:14

Yó kem dumu te deng hemtahu bè yó, yake hol le hfulung mò du yóm hyu anì duhe kóm wen lan le gel tmóbóng yó kem dumu tau laen bang genbek le. Là hyuhen ke là wen muhen yóm klowil le.

Taytus 3:1

Bud heftulónem kul nawa, yó kem tau bè yó anì himón le bè yó kem tau gónó le kmulu ne yó kem dumu tau wen glal le. Yake eles le tendo htifes mò du yóm hyu.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Taytus 1:16

Ya mo kmon le du tngón le Dwata, okóm tódô dilóem bè yóm nmò le yóm là ktahuhen. Kem tau alì sidek nmò le, ne là hdon le. Là kô gbek le mò du yóm hyu.

2 Timuti 2:21

Senged se ke bè tau. Ke hol hlayuk bè yó kem sidek, tey wen mu Dwata du yóm tau yó, abay se deng hogoten ke Dwata klowilen, ne wen muhen du yóm gónón mogot, yakà dengen eles htifes balù kihu hmoen du.

1 Timuti 5:10

ne tótól boluyen lemwót bè yóm hyu gel nmoen, deng megtolok kem ngaen, hulung hmódó, dê lanen gel tmóbóng yó kem dumuhen hemtahu, là tlek kun temngel ke wen gónó le glayam kem dumuhen, ne gotu nawahen bè kem dumuhen.

1 Timuti 3:1

Tahu se yóm gel mon le, ke yó tô nóyóen yóm sotu tau ke du malak bè simbahan, tey hyu se yóm tô nmoen yó.

Kulasi 1:10

Ni bud hni me béléen anì hol gmò ye yóm kun kóyô yóm gónó tekuy mogot, ne anì hol gmò ye yóm gónón hligal bélê ye. Ke ni se kmò ye, wen tey bunguhen yóm klowil ye, ne senflósen temnù yóm ketngón ye ke Dwata.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Glasya 6:17

Ni se mò sónu du, hol béen abay wen tau bud tô hemkéng du yóm kehmò Jisas du do nim nmou ni. Hnénég ye ni dé lówóhu, deng hono lekes halì. Ni se ilô yóm deng kimónu du yóm gel dók Jisas do.

Glasya 5:12

Yó kem tmolok sekban yó, yake bê le dog hensawang yóm alì óyô le mò du yóm kehtulì yó. Hyu ke tódô hlós knafun le knô le ne.

Glasya 1:7

Bè ktahuhen, là kô wen dumu “tulón hyu.” Yó gónóhu mon du mò kuy nim ni, abay se tngónu wen tau tendo gel sembeweg kuy bè yó. Tô tenles le yóm Tulón Hyu gbak ebè Krays.

2 Kurin 9:8

Ne bè yóm gel blay Dwata ebélê tekuy, sal gel nmoen lukasen anì tódô ket du bè yóm wen mu tekuy du, ne anì hol wen gónó tekuy ma mò tóbóng tekuy kem dumu tekuy tau.

Mark 14:6

Okóm mon Jisas mò kul, “Tódô bayà ye du dé. Moen de ke bnólów ye? Igoen tey minggel nim nmoen béléu ni.

Nihimaya 2:18

Ne tulónu kul yóm deng knô Dwata béléu ne yóm tey któbóngen do. Bud tulónu kul snéen yóm udélen ebéléu yóm tau hol geta. Yó balà le do, mon le, “Hyu se yó, nbut tekuy ne bud hdà du.” Tahu se, nbut le mò du yóm nmò yó.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

Matyu 26:9

Mom hyu ke tehe tódô hbaluen, bong he gutahen du, ominen bemlay du bè yó kem élél yóm blihen.”

Matyu 26:11

Hyu he kul yó kem tau élél, eles le tendo nô lem blóng ye. Là dou.

Kun Snulat Luk 8:49

Yóm igò Jisas tolo stulón du yóm libun yó, wen tau sut bè yó lemwót bè gónô Jarus, monen mò du, “Là bud gafitem du ne yóm ngaem. Bê tekuy dog bud hnala ne Jisas.”