Matyu 25:8 - Udél Dwata: Gna Kesfasad ne Lomi Kesfasad

⁸ Yó udél yó kem libun là hulung hedem ebè yó kem libun hulung hedem, mon le, ‘Benlay ye se mi dé, Wè, ke wen dù kuy lenagas. Són moen mudof yóm kum solok.’

Matyu 25:8 Referans Kwoze

Kun Snulat Luk 12:35

Yó bud mon Jisas mò kul, monen, “Eles ye hol htifes. Lómón yó kem tau sónmò le tendo hemku yóm kulék yóm gónó le mogot gu bè yóm ken nuluhen. Deng le eles htifes, ne deng le eles hemtom solok, anì duhe kóm, ke sok kól yóm gónó le mogot ne tmaba, tódô kendel lenungkà le béléen yóm tikeb bak dól.

Kem Udél Hlalak Tehe Selumun 13:9

Yóm tau tedeng kmoen lómón ke layag mtataw knóngen, okóm yóm tau gel mò sidek lómón ke solok móyón mlef.

Hibru 4:1

Ne tekuy snéen nim kmoen ni yóm gónó Dwata e fmasad du yóm benwu angat gónó tekuy hlós henek nô yó. Duhen yó, hol tekuy eles temgama, kô là guta tekuy du yóm benwu fasaden yó.

Deng Hegfan 3:9

Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.

Kun Snulat Luk 16:24

Ne tmaba ebè Abraham yóm tau tehe wen kendengenen yó, monen, ‘Ó Fù Abraham, hol knoduhem ou. Dókem do edini Lasarus anì nan e hentdak dou él lem baku, bà mon se tey keglayamu bè nim ofi gónóhu nô ni.’

Kun Snulat Luk 8:18

Yó gónóm mon, hol ten-gama ye dé kmò khungol ye. Abay se yóm tau deng wen gwahen, angat tendo bud gel tennù Dwata béléen yóm gwahen yó. Okóm yóm tau là suen du lem hendemen yóm deng gungolen, balù yóm udì deng tehe gna tngónen, angat tódô bud kó Dwata béléen. Ofo kun hemdem du ke deng wen gwahen, okóm laen duen.”

Matyu 3:9

Ne bê ye abay tô ken-gel nawa yó dum kesfu ye gu bè yóm tehe Abraham ke yó tô lan ye gewà. Tódô tulónu kuy, balù ni he kem botu ni dé, botong gbek Dwata hembaling du tau mò semfu gu bè Abraham.

Kem Udél Hlalak Tehe Selumun 20:20

Matay se kun yóm tau tnuleden kem tuhahen, lómón yóm solok mlef lem gónón mget kifu.

Kul Nmò 8:24

Omin Simun mon du mò kul le Pitér ne Jan, “Hol hni ye se o bè Dwata anì là suten béléu yóm monem yó.”

Kem Lingón 49:7

Bede laen kô dù tau ke gbeken msok knóen. Là kô gbeken mayad du bè Dwata yóm btes klowilen,

Matyu 25:1

“Bè yóm kdaw angat kkólu,” mon Jisas, “yóm kmò kogot Dwata tau, hol lómón yóm sfolò kem libun mit solok na a semlong yóm logi myehen.

Matyu 25:7

Segeng le se btik yóm sfolò kem libun, gotu nwa le yó kem solok le, ne gotu sentódô le sembwan le.

Matyu 25:9

Ne mudél se yó kem libun hulung hedem, mon le, ‘Là bud gsakufen kuy ne nim kum lenagas ni. Tódô ye na a bemli kuy ne bè tindà.’ Tahu se, na le e bemli yó kem libun là hulung hedem.