Matyu 25:7 - Udél Dwata: Gna Kesfasad ne Lomi Kesfasad

⁷ Segeng le se btik yóm sfolò kem libun, gotu nwa le yó kem solok le, ne gotu sentódô le sembwan le.

Matyu 25:7 Referans Kwoze

Kun Snulat Luk 12:35

Yó bud mon Jisas mò kul, monen, “Eles ye hol htifes. Lómón yó kem tau sónmò le tendo hemku yóm kulék yóm gónó le mogot gu bè yóm ken nuluhen. Deng le eles htifes, ne deng le eles hemtom solok, anì duhe kóm, ke sok kól yóm gónó le mogot ne tmaba, tódô kendel lenungkà le béléen yóm tikeb bak dól.

2 Pitér 3:14

Ke ni se yóm sensangat tekuy yu kem weu, hol tilów ye són gel ye mkó du ke wen belenen yóm gel nmò ye anì laen dù duón Dwata kuy sok kól, ne anì wen kenek nawa ye.

Deng Hegfan 3:2

Géhél ye hetngón dé. Eles hbegel ye yóm dù ngà sufà yóm kehtahu ye gu laanen là deng gotu lana. Abay se là deng tonu du he yóm kuy kgulit bè solu Dwata.

Matyu 25:1

“Bè yóm kdaw angat kkólu,” mon Jisas, “yóm kmò kogot Dwata tau, hol lómón yóm sfolò kem libun mit solok na a semlong yóm logi myehen.

Matyu 25:6

Timbow deng sóól buteng, tódô btang lem klingu le yóm tey tmaba, monen, ‘Ni deng kól yóm logi myehen. Géhél ye, ne ye e senlong.’

Matyu 25:8

Yó udél yó kem libun là hulung hedem ebè yó kem libun hulung hedem, mon le, ‘Benlay ye se mi dé, Wè, ke wen dù kuy lenagas. Són moen mudof yóm kum solok.’